डीबी विष्ट असोज २ बझाङ । कारागारमा रहेका कैदीहरुको उपचारका लागी बझाङ कारागारमा स्वास्थ्यर्मीको दरबन्दी भएपनि दुई बर्ष देखि कर्मचारी अभाब हुदा कारगारमा रहेका बिरामी कैदी लाई समस्या हुने गरेको छ । कारागारमा नियमित स्वास्थ्यर्मी नबस्दा बिरामी कैदीहरु लाई बिरामी भएका बेला उपचारका लागी कारागार बाहिर लिन झञ्झट हुने गरेको छ ।

कैदीको उपचारका लाई नेपाल सरकारले सिनियर अहेबको दरबन्दी सिर्जना गरि उपचारमा समेत सहज होस भन्ने उदेस्य राखेको भएता पनि स्वास्थ्यकर्मी अभावका कारण कारागारमा रहेका कैदीहरु लाई समस्या हुदै आएको हो । दुई बर्ष अगाडी ं कारागारमा रहेका हेल्थ असिस्टेन्ट सेते नेपाली सरुवा भएर डोटी जिल्ला गए देखि कारागारमा स्वास्थ्यकर्मीको हाल सम्म नपठाएको कारागारका जेलर राजेन्द्र बहादुर बोहराले बताउनु भयो । कारगारमा कैदीहरुको उपचारमा निकै नै समस्या हुने गरेको छ । अहिले त जेन तेन जिल्ला अस्पताल बाट स्वास्थ्यकर्मी बोलाएर र विरामी भए निजि तथा जिल्ला अस्पतालमा कैदी लिएर उपचार गराउनु पर्ने बाध्यता रहेको पनि बोहराले बताउनु भयो । लामो समय देखि जिल्ला कारागारमा कर्मचारी अभाब भएको भन्दै बारम्बार केन्द्रमा जानकारी गराएको भएपनि हाल सम्म समस्या समाधान नभएको समेत जेलेर बोहोराको भनाई छ ।
जिल्ला कारागारमा रहेका कैदीहरु लाई उपचारका लागी भन्दै जिल्ला स्वास्थ्य कार्यालय लिनका लागी वाटोमा सुरक्षा चुनौती समेत रहेको छ । कारागार भित्रै कैदीहरुको सामान्य उपचारका लागी राज्यले ब्यबस्था गरेको भएपनि कर्मचारी अभावका कारण बझाङ कारागारमा रहेका कैदीहरुले भने अनाबस्यक झमेला साथै निजि मेडिकलमा उपचारका लागी आफ्नै रकम खर्च हुने गरेको कैदीहरुको भनाई छ ।
कारागार भित्रै उपचारको ब्यबस्था भए राम्रो तथा सहज हुने कारागारका कैदीहरुको भनाई छ । जिल्ला स्वास्थ्य कार्यालयका प्रमुख डाक्टर अनुप रेग्मीले कारागारमा स्वास्थ्यक्रर्मी पठाउने काम बिभागको भएको बताउदै आफुहरुले आबस्यकता अनुसार चेकजाँचमा सहयोग गरेको बताउनु भयो । उहाँले पटक पटक सामान्य उपचारका लागी कैदीहरु जिल्ला अस्पतालमा ल्याउने गरेको हुदाँ कारागारमा स्वास्थय कमी हुनु आवस्यक भएको पनि बताए । कैदीहरुमा झाडापखाला , टाउको दुख्ने , पेट दुख्ने , रुगाखोकी लाग्ने जरो आउने लगायतका समस्या हुने गरेको छ ।
२५ जना कैदी रहेको जिल्ला कारागार बझाडमा हाल अभियुत्त थुनुवा सहित ५६ जना कैदी रहेका छन् । यता साहायक प्रमुख जिल्ला अधिकारी शिबराज जोशीले पनि कारागार स्वास्थ्यकर्मीको नियमितताको लागी आफुले पनि पहल गर्ने वताउनु भयो । यो विषयमा कसैले पनी चाँसो नदीएको जेलर बोहराले बताउनु भएको छ ।