बेलौरी १ असोज । कञ्चनपुर सोमबार रेडियो सुदूर सञ्चारको पाँचौ वार्षिक उत्सव कार्यक्रम भब्यताका साथ सम्पन्न भएको छ । रेडियो सुदूर सञ्चारले २०७० भाद्र ५ गते आफ्नो परिक्षण प्रसारण सुरु गरी औपचारिक रुपमा २०७० असोज १ गते गरेकोे थियो ।

कञ्चनपुर मिडिया प्रा.लिद्धारा जिल्लाको दक्षिणी क्षेत्र बेलौरी बजारमा सञ्चालित रेडियो सुदूर सञ्चार १०६.५ मेगाहर्जले छुटेका र चपेटामा पारिएका स्थानिय आवाज विहिनहरुको आवाजलाई वुलन्द गर्ने लक्ष्यका साथ स्थापना गरिएको कार्यक्रममा बोल्र्दै प्रबन्ध निर्देशक शितल भट्ट ले बताउनुभयो ।

निर्देशक भट्टले रेडियाले ५ वर्षे यात्रा पार गरिरहदा सम्म प्रत्यक्ष तथा अप्रत्यक्ष रुपमा निरन्तर साथ सहयोग गर्नुहुने सम्पुर्ण हाम्रा स्रोता, विज्ञापनदाता, स्थानिय समाजसेवि, बुद्धिजिवि, राजनितिज्ञहरुमा सादोवाद समेत व्यक्त गर्नुभयो ।

यस्तै, उक्त कार्यक्रममा निर्देशक भट्ट ले रेडियोमा कार्यरत सम्पुर्ण कर्मचारीहरुलाई कार्यको मुल्याङ्कन गर्दै सम्मान स्वरुप प्रशंसा पत्र समेत प्रदान गर्नुभयो । सम्मान पत्र पाउनेमा सस्थामा कार्यरत कर्मचारी एवम् पत्रकार दिनेश चौधरी, अनिता चौधरी, सुनिता चौधरी, लक्ष्मण दियाल, सङ्गम चौधरी, चन्द्रिका चौधरी, सरस्वती कार्की, ज्योति कार्की, हरिलाल चौधरी र त्यसैगरी रक्षा भट्ट रहेका थिए ।

साथै सस्थाले वर्षकै सर्वाेत्कृष्ट कार्यक्रम जनताको अदालत इंकित गर्दै उक्त कार्यक्रम सञ्चालिका एवम् समाचार प्रमुख चन्द्रिका चौधरीलाई अनुशासित, सर्वोत्कृष्ट कार्यक्रम, सर्वाेत्कृष्ट स्वरका रुपमा प्रसंसा पत्र प्रदान गर्दै सम्मानित गरिएको छ ।

साथै रेडियो सुदूर सञ्चार बाट प्रसारण हुने कार्यक्रम र सामग्री यहि असोज ६ गते बाट केही फेरबदल भई फरक र प्रभावकारी ढंगले सञ्चालन हुने कार्यक्रम संयोजक लक्ष्मण सिंह दियालले बताउनुभयो ।