गगन अयडी धनगढी १२ चैत । धनगढीमा एक बालक आमा खोज्दै सडकमा भौतारिरहेको अवस्थामा भेटिएका छन् ।

बाजुरा स्थायी ठेगना बताउने १० वर्षीय सागर सिंहलाई आमा खोज्दै हिडेको अवस्थामा प्रहरीले भेटाएको हो । धनगढीको श्रेष्ठ होटलमा काम गर्दै आएकी आमा मधुमाया सिंहले केही दिन अघि होटल छोडेर अन्यत्र गएपछि अलपत्र परेका सागरलाई प्रहरीले अहिले बाल हेल्प लाईनको संरक्षणमा राखेको छ ।
प्रहरीले सागरलाई शनिबार धनगढीमा भेटाएको थियो । आफ्नो बुबाको नाम गोविन्द बताउने बालकले आमासँग धनगढी उप–महानगरपालिकाको ३ को चटकपुरमा बस्दै आएका थिए । बालकलाई संरक्षण दिएको बाल हेल्प लाईन धनगढीका प्रमुख विष्णु पौडेलले उनले आमा खोजिरहेकाले सम्पर्कमा आउन आग्रह गरेकी छन् । उनले आमा–बुबा वा आफन्तलाई बाल हेल्प लाईनको सम्पर्कमा आएर बालकलाई लैजान आग्रह गरेकी हुन् ।
पछील्लो समय अलपत्र पर्ने बालबालिकाहरुको संख्यामा बृद्धी भईरहेको छ । लामो समय देखि बालहेल्पलाईले बालबालिकाको संरक्षणमा काम गदै आइरहेको छ । आफन्तले बाल हेल्प लाईनको टोल फ्री नम्बर १०८९ तथा मोवाईल नम्बर ९८५८४२०१०० र ९८१५६०९७७२ मा पनि सम्पर्क राखेर बाल हेल्पलाईनको सेवा लिन आग्रह गरेको छ ।