रमित बि.क.बाजुरा, ४ फागुन । लगातारको वर्षाले बाजुराका ग्रामीण क्षेत्रका कच्ची सडक अवरुद्ध भएका छन् । वर्षाले सडक हिलाम्य भएपछि गाउँका कच्ची सडक अवरुद्ध भएका छन् । जिल्लाको मार्तडी कोल्टी,मार्तडी घट्मुना,मार्तडी,डोगडी लगायतका सडक अवरुद्ध भएका छन् ।
बिभिन्न गाउँका सडक अवरुद्ध हुँदा स्थानीयबासीलाई सास्ती भएको छ । दैनिक उपभोग्य सामग्री ढुवानी गर्न समस्या भएको यातायात व्यवसायी सुरेन्द्र रोकायाले बताउनुभएको छ । कच्ची सडक गाडी चलाउन नसकिने गरी हिलाम्य भएका छन् । गाडी चलाउन निकै सास्ती भएको उहाँले बताउनुभएको छ । लगातार चार दिनदेखि वर्षा जिल्लामा बर्षा जारी रहेको छ ।

जिल्लाको साँफे मार्तडी सडकखण्डमा मात्र छिटफुट रुपमा जीप र गाडी सञ्चालन भइरहेका छन् । सडक अवरुद्ध हुँदा गाउँगाउँमा जाने यात्रुहरुलाई असहज भएको छ । केही दिन पहिला हिमपातले अवरुद्ध भएका ग्रामीण कच्ची सडक केही दिनदेखि परिरहेको पानीले झन अवरुद्ध भएको छन् । लगातारको वर्षाले कच्ची सडकमा गाडी चल्न छोडेका छन् । सडकभरी हिलो भएको छ ।
लगातारको हिउँदे वर्षाले जिल्लाका विभिन्न ठाउँका ग्रामिण सडक अवरुद्ध भएको जिल्ला प्रहरी कार्यालय बाजुराका प्रहरी नायव उपरिक्षक उद्धवसिँह भाटले बताउनु भएको छ ।