तीनदिन देखि सम्पर्क विहिन भएका कपिलवस्तु नगरपालिकाका पूर्व नगर प्रमुख किरण सिंह जंगलमा मृत फेला
तौलिहवा २४ साउन । कपिलवस्तु नगरपालिका वडा नं. ३, ढेवानगढीया निवासी ६५ वर्षे सिंह २०७४ मा कांग्रेसबाट नगर प्रमुख पदमा विजयी भएका थिए । ०७९ को स्थानीय निर्वाचनमा भने नगर प्रमुख पदमा पराजित भएका थिए ।
तीनदिन देखि सम्पर्क विहिन भएका कपिलवस्तु नगरपालिकाका पूर्व नगर प्रमुख किरण सिंह जंगलमा मृत फेला परेका छन् ।
आज विहानबाट खोजी गर्ने क्रममा उनी हराएको स्थानदेखि ६/७ सय मिटर उत्तर तिर उनको शव फेला परेको जिल्ला प्रहरी कार्यालयका सूचना अधिकारी प्रहरी निरिक्षक दीपक कुवँरले बताए ।
सिंह तौलिहवा–गोरुसिगे सडक खण्ड अन्तर्गत बुद्धभूमि नगरपालिका स्थित ढेकरी जंगलबाट शुक्रबार साँझ सम्पर्कविहिन भएका थिए ।
गौतम बुद्ध अन्तर्राष्ट्रिय विमानस्थलको के नाईट शाखाबाट तालिम प्राप्त कुकुर र ड्रोन उडाएरपनि खोजी गर्दापनि उनी भेटिएका थिएनन् ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया