डीबी विष्ट भदौ १२ बझाङ । बझाङ्गी महिलाहरुको क्षमता बिकास र हकहितका लागी झण्डै तिन दशक देखि अगाडी स्थापना भएको महिला तथा बालबालिका कार्यालय जिल्ला बाट हटे पछि बझाङ्गी महिला हरु दुखित भएकी छन् ।
राज्यको शासकिय स्वरुप बललिए संगै जिल्लाका कार्यालयहरु नरहने भएपछि बझागंको महिला तथा बालबालिका कार्यलय पनि यो साता बाट बिधिबत रुपमा हटे पछि यहाँका महिला दुखित भएका हुन् ।
महिला तथा बालबालिका कार्यालयमा कार्यरत महिला कार्मचारीहरु गाँउपालिका तथा नगरपालिकाको कार्यालयहरुमा पदस्थापना हुदाँ अधिकृत बस्ने दरवन्दी नहुदाँ महिला बिकास अधिकृत लिला घलेको औपचारिक रुपमा बिदाई भएको हो ।
महिलाहरुका लागी मात्रै योजना तथा कार्यक्रम तय गर्ने आय आर्जनका साथै क्षमता बिकास तथा अधिकारका सवालमा समेत काम गर्ने महिला बिकास कार्यालय हट्दा हामी महिलाहरु लाई दुख लागेको महिला अधिकारक्रमी उमा केसीले बताउनु भयो ।
आधा आकाश ढाक्ने महिलाहरुको जनसख्या भएको र अझै महिलाहरु पछाडी परेका हुदा जिल्लामा महिला तथा बालबालिका कार्यालय हटाउनु सरकारले महिलाहरुलाई ब्यवास्ता गरेको केसीले गुनासो पोख्नु भयो ।

साबिकको ४७ वटा गाबिस रहेको जिल्लामा महिला तथा बालबालिका कार्यालय बाट महिला समुहहरु गठन गर्ने , आय आर्जन समुहहरु बनाउने , महिला शहकारी स्थापना गर्ने , निगरानी समुहहरु बनाएर तालिम तथा बिभिन्न क्षमता बिकासका कार्यहरु सन्चालन गर्दै आएका थिए । समुह , सन्जाल गरि झण्डै २५ सय भन्दा बढी महिलाहरु समुह समितिमा आबद्ध रहेका थिए ।

महिलाहरुले कुनै राम्रो काम योजना बनाए गाँउ घरका महिलाहरु दुख सुख तथा अन्यायमा परेको खण्डमा समेत महिला कार्यालयहरुमा आएर परामर्ष लिने गर्दथे बिदाई कार्यक्रममा भेटिएकी महिला बिकास अधिकृत लिला घलेले भन्नु भयो जिल्ला जिल्लामा महिला तथा बाल बालिका कार्यालय राखि राख्नु पर्ने हो तर राज्यले नै महिलाहरु लाई उपेक्षा गरेको देखीन्छ ।

कार्यलयका सबै भौतिक सामाग्रीहरु स्थानिय जयपृथ्बी नगरपालिकामा बुझाए पछि महिला तथा बालबालिका कार्यालयको अब जिल्लामा संयन्त्र रहेन ।

स्थानिय तहहरुमा महिला तथा बालबालिका बिकाश शाखामा एक जनामात्र कर्मचारी छ । त्यसले सिंगो गाँउ तथा नगरहरुमा कार्यहरु सम्पादन गर्न समेत निकै समस्या रहेको स्थानिय निकायका महिला बिकास शाखाका कर्मचारहिरुको भनाई छ ।
जिल्ला स्थित अन्य बिकासिय कार्यालयहरुको संरचना हट्दा खासै त्यती प्रतिक्रिया नआए पनि तर महिला तथा बालबालिका कार्यालय हट्दा भने महिलाहरु लाई धेरै दुख लागेको थियो । जिल्ला स्थित अन्य बिकासीय कार्यालयहरुको संरचना समेत हटेको छ । यसरी जिल्लामा कुनै पनि विकासिय कार्यालयहरु नरहने भएपछि जिल्लाको अवस्था बुझ्न र तथ्य तथ्याङ्क लिन समेत समस्या परेको जिल्ला समन्वय समितीका संयोजक खडक खड्काले बताउनु भयो । महिला विकास कार्यालय २०४३ सालमा स्थापना भएको थियो । कार्यालय नरहे पछि १० वर्ष देखी कार्यालयमा काम गर्ने दुई जना कार्यालय सहयोगीको जाँगिर पनि गएको छ ।