लिलि कुँवर महेन्द्रनगर ८ भाद्र । कञ्चनपुर जिल्ला उच्चस्तरिय छानबिन समितिले काम शुरु गरेपछि बिस्तारै शान्त हुँदै जाने अपेक्षा गरेपनि आज साँग ६ बजेतिर प्रदर्शनकारी र प्रहरी बिचको झडपमा १ जनाको ज्यान गएको छ भने ३ जना घाईते भएका छन । जिल्ला स्थित प्रहरी प्रशासन प्रमुखहरुलाई फर्ता बोलाईनु र उच्च स्तरिय छानबिन समितिले छानबिन समेत शुरु गरिरहँदा भएको यो पछिल्लो घट्नाले कञ्चनपुर बासिलाई चिन्तित बनाएको छ ।

कञ्चनपुरकी १३ वर्षिय किशोरी निर्मला पन्तको बलात्कारपछि हत्या भएको घटनालाई सहि रुपले प्रहरीले अनुसन्धान नगरेको निर्मला पन्तका परिवार र महिला अधिकारकर्मीहरुले आवाज उठाउदै आएका थिए । निर्मला पन्तका परिवारजनले सँकेत गरेको ठाउँमा समेत प्रहरीले बेवास्ता गरेको आरोप लगाई रहँदा निर्दोष व्यक्तिलाई अभियुक्त भनेर सार्वजनिक गरिएपछि प्रदर्शनले हिन्सात्मक रुप लिएको थियो । कञ्चनपुरका प्रहरी प्रमुख डिल्लीराज बिष्ट‚ प्रमुख  जिल्ला अधिकारी कुमारबहादुर खड्का र डिएसपी ज्ञानबहादुर सेठी सहित तिनै जनालाई गृह मन्त्रालयले हिजै फिर्ता बोलाएको छ । निर्मलाकी दिदी मनिषा पन्तलाई लाग्छ‚ घटनाको सत्य तत्थ्य अनुसन्धानले निर्मलाको शान्ति पाउने छ ।

कञ्चनपुर नागरिक सँघर्ष समितिका सँयोजक मिना भण्डारीले उच्चस्तरिय छानबिन समितिले काम शुरु गरेपछि महेन्द्रनगर आज शान्त हुने अपेक्षा गरेपनि साँझ ६ बजे भएको घटनाले कञ्चनपुरबासिलाई फेरी चिन्तित बनाएको बताईन । महिला अधिकारकर्मी भगवति थापाको ठहर छ‚ उच्चस्तरिय छानबिन समितिले छानबिन गरिरहँदा प्रहरी प्रशासनले सम्वेदनशिल हुनु पर्नेमा‚ सिधै गोली चलाउनु हुदैन थियो । महेन्द्रनगर पुगे लगत्तै आफ्नो काम शुरु गरेका उच्चस्तरिय छानबिन समितिका सँयोजक हरी मैनालीले सम्पुर्ण कञ्चनपुर बासिलाई आन्दोलन रोकेर अनुसन्धानमा सहयोग गर्न आग्रह गरे ।

प्रहरी उपरीक्षक कुबेर कडायातले आज साँझ ६ बजेतिर ट्राफिक पोष्ट‚ प्रहरी गाडीमा अागजानी‚ नगरप्रमुखको घरमा ढुँगामुडा गरेपछि जिल्ला प्रशासन कार्यालयमा तोडफोड गर्न खोजेपछि भएको झडपमा प्रहरीको लागेर भारतपुर २४ वर्षिय सनि खुनाको ज्यान भएको प्रहरीले जनाएको छ । अन्य ३ जना प्रदर्शनकारी गम्भिर रुपमा घाईते भएको पनि बताईएको छ । स्थानीय प्रशासनले पछिल्लो घट्ना क्रमलाई लिएर महेन्द्रनगर बजार र आसपासको क्षेत्रमा साँझ ८ बजे देखि कर्फ्यु आदेश जारी गरेको छ । कर्फ्युका कारण पत्रपत्रिकाको काम पनि हुन नसक्ने अवस्था श्रृजना भएको छ ।