मन्जु कल्याल, दार्चुल्ला । नेपाल कम्युनिष्ट पार्टी नेकपा दार्चुला उपसभामुख तथा सांसदहरुको टोलीले प्रधानमन्त्री केपी शर्मा ओलीलाई ज्ञापन पत्र बुझाएका छन् । दार्चुलाबाट निर्वाचित प्रतिनिधिसभा सांसद प्रदेशसभा सदस्यद्ध, सुदूरपश्चिम प्रदेशका उपसभामुख लगायतका टोलीले बुधबार प्रधानमन्त्रीलाई भेटि ज्ञापन पत्र बुझाएका छन् ।
प्रतिनिधिसभा सांसद गणेशसिँह ठगुन्ना, सुदूरपश्चिम प्रदेश उप–सभामुख निर्मला जोशी, प्रदेशसभा सदस्यद्धय मानबहादुर धामी, गेल्बुसिँह बोहरा लगायतको टोलीले जिल्लाका महत्वपूर्ण क्षेत्रहरुको उठान गरि ज्ञापन पत्र बुझाएका छन् ।

सांसद तथा उपभामुखको टोलीले दार्चुला जिल्लाको महाकाली कोरिडोर अन्तरगत रहेको दार्चुला तिंकर सडक निर्माणको जिम्मेवारी नेपाली दिन माग गरिएको छ । उत्तरी छिमेकी राष्ट चीनसंगको नाका ताक्लाकोट तथा कैलाश मानसरोबार जोड्ने सुदूरपश्चिम प्रदेशको प्रमुख मार्ग भएकाले उक्त सडक निर्माणका लागि नेपाली सेनालाई दिन ज्ञापन पत्र मार्फत माग गरिएको छ ।

नेपाल सरकारबाट पारवहन प्रोटोकल अन्तरगत प्रस्तावित दार्चुला तिंकर सडक अहिले नेपाल सरकारले विभागद्धारा निर्माण गरिरहेकोमा आगामी आर्थिक वर्षबाट सडक नेपाली सेना मार्फत सञ्चालनका लागि निर्णय गराईदिन प्रधानमन्त्रीलाई ज्ञापन पत्र बुझाइएको छ । ८–१० वर्षदेखि निर्माण थालिएको दार्चुला तिंकर सडक हालसम्म आइपुग्दा सोचे जस्तो प्रगति नभएकाले सडक निर्माणको कार्य नेपाली सेनालाई दिन प्रधानमन्त्रीलाई आग्रह गरेको प्रतिनिधिसभा सांसद गणेशसिँह ठगुन्नाले बताउनु भयो । यस्तै उक्त सडक निर्माणका लागि विष्फोटक पदार्थ तथा ठेकेदारहरुको लापरबाही र ढिलासुस्तीले सडक निर्माणको कार्यमा ढिलाई भएको छ । यसरी महत्वपूर्ण योजनामा ढिलाई हुदाँ समृद्धिको यात्रामा असहज भएकाले उक्त सडक निर्माणमा गति दिन नेपाली सेनाको जिम्मा दिन माग गरिएको प्रतिनिधिसभा सांसद ठगुन्नाको भनाई छ ।

नेपाली सेनाले जिम्मा लिइका अहिलेसम्म विभिन्न विकास निर्माणका योजनाहरु सन्तोषजनक भएकाले दार्चुला तिंकर सडक निर्माणका लागि सेनालाई दिनुपर्ने निष्कर्षमा आफूहरु पुगेको सुदूरपश्चिम प्रदेशका उपसभामुख निर्मला जोशीले बताए । महत्वपूर्ण तीर्थ स्थल कैलाश मानसरोवर जाने महत्वपूर्ण मार्ग भएकाले उक्त मार्ग यथाशिघ्र चाँडो सम्पन्न गर्न सके दार्चुला तथा सिंगो सु्दूरपश्चिम प्रदेशको समृद्धिमा टेवा पुग्ने भएकलो सडक निर्माणमा गति दिन आबश्यक रहेको उपसभामुख जोशीको भनाई छ ।

उक्त टोलीले दार्चुला जिल्लाको एक मात्रै विमान स्थल गोकुलेश्वर विमान स्थल सञ्चालनका लागि आबश्यक बजेट व्यवस्थापनका लागि समेत प्रधानमन्त्री केपी शर्मा ओलीलाई आग्रह गरेका छन् । दुई दशकदेखि बन्द गोकुलेश्वर विमान स्थल सञ्चालनका लागि आबश्यक बजेट व्यवस्थापन गर्न माग गरिएको प्रदेश सांसद मानबहादुर धामीले बताउनु भयो । गोकुलेश्वर विमान स्थलले तीन जिल्लाका स्थानीयहरु लाभान्वित हुने भएकाले विमानस्थल सञ्चालन हुनु अति आबश्यक रहेको प्रदेश सांसद धामीको भनाई छ ।

गोकुलेश्वर विमान स्थल सञ्चालन भए दार्चुला मात्र नभई बैतडी, बझाङका स्थानीयहरुलाई समेत उत्तिक्कै सहज हुने देखिएको छ । सुदूरपश्चिम प्रदेशको त्रीदेशीय सीमा क्षेत्र रहेको दार्चुला जिल्लाको गोकुलेश्वर विमान स्थल सञ्चालन गर्न सके जिल्लाको समृद्धिमा धेरै पर्खिनु नपर्ने भन्दै प्रधानमन्त्रीलाई ज्ञापन पत्र बुझाईएको प्रदेश सांसद गेल्बुसिँह बोहराले बताउनु भयो ।