रमित बि.क., बाजुरा ।  गौमुल गाउँपालिका घट्मुनामा बुधबार बृहत एकिकृत घुम्ति शिविर सुरु भएको छ । सुदूरपश्चिम प्रदेश सामाजिक विकास मन्त्रालयको सहयोग र गौमुल गाउँपालिका नेपालगञ्ज मेडिकल कलेजको आयोजनामा आजबाट २ दिने शिविर सुरु भएको हो ।
शिविरमा उपचारात्मक र प्रवद्र्धनात्मक सेवाहरुमा,भिडियो एक्सरे सेवा आयुर्वेद,दाँत रोग,आँखा,कान र नाक,स्त्री रोग सम्बन्धि चेकजाँच,मनोविज्ञान सम्बन्धि चेकजाँच र विभिन्न नसा तथा अन्य सेवा तथा चेकजाँच सेवा दिईने गौमुल गाउँपालिका अध्यक्ष हरी बहादुर रोकायाले बताए ।
कार्यक्रमको संबोधन गदैँ उनले जनताको सेवामा नै आफुहरुले जीवन समपर्ण गरेको बताउँदै कुनै निसंकोच नमानी लाज नमानेर आफुमा भएका स्वास्थ्य समस्या स्वास्थ्यकर्मीहरु संग समस्या राख्न आग्रह गरे । आफुहरुले गाउँपालिका भरिका जनता स्वस्थ्य बन्नका लागि बिभिन्न समयमा स्वास्थ्य शिविर सञ्चालन गरिरहेको बताउदैँ आफुमा भएका समस्या प्रष्ट भन्न अनुरोध गरे ।

जनस्वास्थ प्रमुख स्वास्थ्य निर्देशनालय डोटीका झनकराज ढुंगानाले आफुहरुले सके जति स्वास्थय सेवा र सन्देश दिन जमर्को गरेको बताए । आफुहरु बिरामीलाई औषधि दिने निको पार्ने मात्र नभई कसरी बिरामी नहुने र स्वस्थ्य रहने उद्देश्य पनि रहेको बताए ।
जनस्वास्थ प्रमुख स्वास्थ्य निर्देशनालय डोटीका झनकराज ढुंगानाको संयोजकत्वमा लगायत नेपालगञ्ज मेडिकल कलेजका डाक्टरहरुको टोली उपचारमा खटिएको रहेको छ । टोलीमा नेपालगञ्ज मेडिकल कलेजका राम बहादुर मल्ल लगायत २७ जना डाक्टरहरुको टिम सहभागि रहेको छ ।
पहिलो दिन ५ सय जनाले सेवा लिए
गौमुल गाउँपालिकाको घट्मुनामा सञ्चालन भएको बृहत एकिकृत घुम्ति शिविरमा आज पहिलो दिन ५ सय जनाले स्वास्थ्य चेकजाँच तथा उपचार सेवा लिएका छन् ।
बुधबार पहिलो दिन मात्र २ सय ८२ जना महिला २ सय १८ जना पुरुष गरी ५ सय जनाले सेवा लिएका छन् ।

जमा भिआईए चेकजाँच २७ जना,भिडियो एक्सरे गर्भवतीहरु २७ जना,१ जना परिवार नियोजन ईम्पलान्ट,२ जना रगत परिक्षण,२ जना खकार परिक्षण गरेका छन् । तालिम आज र भोली गरी २ दिन सम्म सञ्चालन हुने भएको छ ।