धनगढी –धनगढी उप–महानगरपालीकाले खोलानाला क्षेत्रहरुमा गरिएको अतिक्रमण हटाउने अभियान अन्तरगत सोमबार शिवनगरनाला सफा गर्न थालिएको छ ।उप–महानगरपालिकाको वडा नं १ र ८ को बिचमा पर्ने शिवनगरपुल नजिक नाला सफागर्ने काम बिहानै देखि सुरु गरिएको छ । सतह भन्दा माथी आएका खोलानालाको फोहर हटाउने, खोलाको भंगालो सोझो पार्ने र अतिक्रमण हटाउने कामलाई गत आर्थिक बर्षबाट नै सुरु गरिएको धनगढी उप–महानगरपालिकाका प्रमुख नृपबहादुर वडले बताए ।

गत बर्ष झण्डै १० किलोमिटर भन्दा बढी खोलानालाहरुको अतिक्रमण हटाउने काम गरेको थियो ।बढ्दो जनसंख्याको चाप संगै धनगढी उप–महानगरपालीका क्षेत्रमा रहेकाखोलानालाहरु अतिक्रमणमा पर्दै आएका छन् । खोलानालाहरुलाई मासेर संरचना निर्माण कार्य भएदेखि यस उप–महानगरपालीका क्षेत्रमा डुवानको समस्या सिर्जनाभएको थियो । अतिक्रमण हटाउन पटक पटक पहल भएपनि अतिक्रमणकारीको अवरोध गर्दै आएका छन् । सार्वजनिक जग्गा अतिक्रमण गर्ने र सडक क्षेत्रमा संरचना बनाउनेहरु उल्टै उप–महानगरपालिका र स्वयं नगरप्रमुखको नाममा मुद्धा हाल्दै गैरहेको गुनासो छ ।

खोलानालाहरु अतिक्रमण हुदा यहाँ बर्षातको समयमा बस्तीमा पानी पस्ने तथा डुवान हुने समस्या छ । नगरक्षेत्रमा पर्ने जिल्ला प्रहरी कार्यालय नाला, शिवनगरनाला, कैलाली नाला लगायतका खोलानालाहरु बर्षेनी अतिक्रमणमा पर्दै आएका छन् । खोलामिचेर संरचना बन्नथाले पछि हटाउन ठूलो चुनौती थियो । पटकपटकका चुनावहरुमा समेत यसलाई उम्मेदवारहरुले आफ्नो एजेन्डा बनाउदै आएका थिए ।

यस अघि पनि धनगढी उप–महानगरपालीकाले खोलानालाको अतिक्रमण हटाउन प्रयास गरेपनि सफल हुन सकेको थिएन ।’खोलानालाको अतिक्रमण हटाउन सके मात्रै पनि धनगढी उप–महानगर क्षेत्रमा हुने डुवानबाट मुक्ति पाउन सकिन्छ’, उप–महानगरपालिकाका प्रवक्ता सन्तोष मुडभरीले भने,-‘खोलानाला सम्मै अतिक्रमण गरेर संरचनाबने पछि खोलाले धार फेरेर बस्ती डुवानमा पर्ने हो।’ उप–महानगरक्षेत्रकाखोलानाला अतिक्रमणको मुद्धा धनगढीमा लामो समय देखि उठ्दै आएको थियो ।