प्रकाश बम,डोटी ।   चैत १० बाट शुरु हुन लागेको माध्यमिक शिक्षा परीक्षा (एसइइ) मा डोटीमा तिन महिला केन्द्राध्यक्षमा तोकिनुभएको छ । शिक्षा विकास तथा समन्वय इकाईका प्रमुख अनन्त कुमार पौड्यालले अनुसार पदम पव्लीक मुक्ति नारायण मावि सिलगढीमा गिता जोशि, राधा कृष्ण मावि गोपघाटमा हरि प्रिया शाहि र रामपुर मावि वुडरमा शुभ लक्ष्मि थापालाई तोकिएको छ । जिल्ला विकास तथा समन्वय इकाइ प्रमुख पौड्यालका अनुसार १२ वटा परिक्षा केन्द्रमा तिन महिला र ९ पुरुष केन्दाध्यक्ष तोकिएको उनले बताए ।

एसइई परीक्षाको तयारी पूरा

यस वर्षको माध्यमिक शिक्षा परीक्षा अर्थात् एसइई परीक्षाको सम्पूर्ण तयारी पूरा भएको छ । आइतबार बिहान ८ बजेबाट शुरु हुने परीक्षामा सबै तयारी पूरा भएको शिक्षा विकास तथा समन्वय इकाई प्रमुख अनन्तकुमार पौड्यालले बताए ।

यस बर्षको माध्यमिक शिक्षा परीक्षामा डोटीबाट २ हजार ५२ जना परीक्षार्थी सहभागी हुँदैछन् । १ हजार ४५७ छात्रा र १ हजार ३९५छात्र रहेको शिक्षा विकास तथा समन्वय इकाई प्रमुख पौड्यालले बताए । बर्छेन मा.वि.केन्द्रमा १४९ , दुर्गामावि लमौते केन्द्रमा ११५ जना, रामपुर मावि बुडर केन्द्रमा (१२४), खत्याडी मावि खत्याडी केन्द्रमा २०२ जना, झिमेमालिका मावि वायल केन्द्रमा २०६ जना, सरस्वति मावि सानागाउँ केन्द्रमा २१३ जना, राधा कृष्ण मावि गोपघाट केन्द्रमा ३८५ जना, सुजङ इ.वो.स्कुल राजपुर केन्द्रमा ४०६ जना, दिल्पेश्वर मावि दिपायल केन्द्रमा ३२१ जना, शारदा मावि मौवा केन्द्रमा ३१३ जना र प.प.मु.ना.मावि सिलगढी केन्द्रमा ४१ जना गरी ११ वटा स्थानका माध्यमिक विद्यालयहरु नियमित तर्फका परीक्षा केन्द्रहरु तोकिएका छन् । उक्त केन्द्रहरुमध्ये प.प.मु.ना.मावि सिलगढी सबैभन्दा बढी परीक्षार्थी संख्या भएको केन्द्र रहेको छ भने दुर्गा मावि लमौते सबैभन्दा कम परीक्षाथी भएको केन्द्र हो ।

सिलगढीमा रहेको पवित्रा इङ्गलिस बोर्डिङ स्कूलमा शैक्षिक सत्र २०७३ सहित र सोभन्दा अगाडिका ३५ जनाको ग्रेड वृद्धिका लागि परीक्षा केन्द्र तोकिएको शिक्षा विकास तथा समन्वय इकाई डोटीले जनाएको छ । शैक्षिक सत्र २०७४ का ६० जनाको ग्रेड वृद्धि परीक्षा भने सम्बन्धित परीक्षा केन्द्रमै हुने जनाएको छ ।
परीक्षा केन्द्रका लागि आवश्यक सामग्री तथा जनशक्तिको व्यवस्थापन भएको छ । केन्द्राध्यक्षहरुलाई राष्ट्रिय परीक्षा बोर्ड, परीक्षा नियन्त्रण (कक्षा १०) बाट प्रकाशित निर्देशन पुस्तिका २०७५ को प्रबोधीकरण तथा परीक्षा समन्वय समितिको निर्देशनसहित अभिमुखीकरण तालिम प्रदान गरिएको छ ।

परीक्षालाई अनुशासित, मर्यादित र शान्तिपूर्ण रुपमा सञ्चालन गर्नका लागि परीक्षा समन्वय समितिको बैठकले आवश्यक निर्णयहरु गरेको समेत शिक्षा विकास तथा समन्वय इकाई प्रमुख पौड्यालले बताउनु भयो । स्थानीय तहअन्तर्गत रहेका परीक्षा केन्द्रहरुमा सम्बन्धित शिक्षा इकाइहरुबाट समेत निरन्तर रुपमा अनुगमन हुनका लागि गाउँ र नगरपालिकाहरुमा अनुरोध गरिएको उहाँले बताउनु भयो । बिहान ८ बजेदेखि ११ बजेसम्म हुनेछ