सुदूरपश्चिम प्रदेश प्रमुख मल्लको स्वास्थ्यमा सुधार, २ दिनमा डिस्चार्ज हुने
धनगढी । भारतको राजधानी दिल्लीमा उपचारथ सुदूरपश्चिमका प्रदेश प्रमुख मोहनराज मल्लको स्वास्थ्यमा निकै सुधार आएको छ। विगत एक महिनादेखि विभिन्न अस्पतार र अहिले दिल्लीको मेदान्त अस्पतालमा उपचाररथ प्रदेश प्रमुख मल्लको स्वास्थ्यमा निकै सुधार आएको अस्पतालबाट प्रदेश प्रमुखका प्रेस संयोजक गजेन्द्र ओझाले जानकारी दिए।
उपचारमा सक्रिय चिकित्सकलाई उद्धृत गर्दै ओझाले प्रदेश प्रमुखको स्वास्थ्यमा अहिले निकै सुधार आएको र अवको २ दिन भित्रै डिस्चार्ज हुने जानकारी दिए। अहिले मेदान्त अस्पतालमा डाक्टर यतिन मेहता नेतृत्वको चिकित्सकको टोली प्रदेश प्रमुख मल्लको उपचारमा संग्लन रहेको छ।
७१ वर्षीय प्रदेश प्रमुख मल्ल कम्पन ज्वरोका कारण शारिरिक रुपमा कमजोर भएको उपचारमा संलग्न चिकित्सकले बताउदै आएका छन्।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया