धनगढी । अस्पतालको लापरवाहीले सुत्केरीको मृत्यु भएको भन्दै आन्दोलीत धनगढीको जुगेडावासीले धनगढी बजार बन्द गराएका छन्।

बिहान देखि सेती अञ्चल अस्पतालमा घेराउ गर्दै नारा बाजी गरेका थिए । धनगढी उप–महानगरपालिका वडा नम्बर–१२ जुगेडाकी २२ बर्षिया सुत्केरी रेखा थापाको चिकित्सकको लापरवाही मृत्यु भएको भन्दै बजार बन्द गराएका हुन्।

वेथालागे पछि चैत ४ गते सेती अस्पताल धनगढीमा भर्ना भएकी थापाको सामान्य डेलिभरी हुन नसकेपछि शल्यक्रिया गरिएको थियो।

शल्यक्रियापछि उनको पेट सुन्निएको र उपचारमा संलग्न डाक्टरले ग्यास्ट्रिकको कारण देखाउँदै दुई दिन वेवास्ता गरेको आरोप स्थानीयले लगाएका छन्। डाक्टरले बुधबार थापालाई जन्डिस भएको भन्दै उपचार गरेका थिए।

तर पेट सुन्निने समस्या यथावत रहेपछि बिहिवार विहान मात्रै उपचार सम्भव नभएको भन्दै अन्यत्र रेफर गरिएको थियो।

कोहलपुर लैजाने क्रममा उनको बाटोमै मृत्यु भएपछि सेती अञ्चल अस्पतालमा चिकित्सकले लापरवाही गरेको आफन्तले आरोप लगाउँदै आएका छन्। जन्मको बच्चा भने आईसियुमा राखेको छ ।