चैत्र १ गते डोटी । सुदुर पश्चिम प्रदेशका दुइवटा जिल्लामा परिवर्तन परियोजना शुरु भएको छ ।

विहिवार सिलगढीमा जिल्ला स्तरिय सरोकारवालाहरुसंगको परियोजना सम्वन्धि परिचयात्म गोष्ठिमा सुदुर पश्चिम प्रदेशका डोटी र अछाम जिल्लामा परीयोजना लागु भएको जानकारी गराएको हो ।
डोटीको शिखर नगरपालिका, जोरायल गाउँपालिका ,के. आइ.सिंह गाउँपालिका सम बिकास मार्फत र अछामको मंगलसेन नगरपालिका,पंचदेवल विनायक नगरपालिका र चौरपाटि गाउपालिकामा एम.डि.ओ. संस्था मार्फत परिवर्तन परियोजना लागू भएको इडिसिका परिवर्तन परियोजनाका जिल्ला संयोजक महेश परियारले जानकारी दिए ।

स्थानीय स्तरको शुशासन प्रक्रियामा सम्पूर्ण नागरिकहरुको अर्थपूर्ण सहभागिता अभिवृद्धि गर्ने प्रमुख उद्देश्यले परियोजना लागू भइरहेको समविकास केन्द्र डोटीका अध्यक्ष अधिराज विसीले बताए ।

परियोजनाअन्तर्गत नागरिक समाज संस्थाको क्षमता विकास तथा परिचालन, सार्वजनिक सेवामा नागरिकको पहुँच वृद्धि, नागरिक तथा स्थानीय सरकारसङ्ग समन्वय र सहकार्य गर्ने, विद्युतीय शुशासन प्रविधिको प्रवर्द्धन गर्दै सेवामा नागरिकको पहुँच अभिवृद्धि गर्ने र जीविकोपार्जनका साथै नागरिक अभियानमा सहयोग गर्ने मुख्य कामहरु रहेकोे डिसिएका राष्ट्रिय निर्देशक डेभिड स्मिथले बताए । संस्थाले विगत १२ बर्ष देखि नेपालमा काम बिभिन्न क्षेत्रमा काम गर्दै आएको समेत स्मिथले बताए ।

परिवर्तन परियोजना लागु भएका ३ वटा स्थानीय तहमा थोरै भए पनि परिवर्तन हुने जिल्ला समन्वय समिति डोटीका संयोजक रामबहादुर ऐरले बताए । तिन वटा स्थानिय तहमा लागु भएको परिवर्तन परियाजनले अन्य स्थानिय तह भन्दा फरक पना ल्याउनु आवश्यक रहेको समेत उनले बताए ।

परियोजनाभित्र धेरै विसय क्षेत्रमा काम गर्नुभन्दा एउटा कुनै विशेष विसयमा केन्द्रीत भएर काम गर्नसके राम्रो हुने डोटीका प्रमुख जिल्ला अधिकारी यादव सुवेदीले बताए । परियोजनाको नाम अनुसारा कार्यान्वयन गर्न अलि कठिन भएको समेत प्रमुख जिल्ला अधिकारी यादले बताए ।

परियोजनाले गर्ने कामबाट उपलब्धि देखिने गरि काम गर्न स्थानीय तहसङ्ग समन्वय र सहकार्य बढाउन दिपायल सिलगढी नगरपालिका प्रमुख मन्जु मलासीले बताइन् ।

नवटा स्थानिय तहमा लागु भईरहेको परिवर्तन परीयोजनाले कार्यक्षेत्रका लक्षित वर्गमा बिशेष जोड दिनु पर्ने नेपाल पत्रकार महासंघका सह सचिव प्रकाश बलमे बताए । परियोजना अवधिमा समन्वय सहकार्य र सुझाव सल्लाहलाई मनन गरेर अगाढी बढे कार्यक्रमले सफलता पाउने समेत बमले बताए ।

सम विकास केन्द्रले बिगत देखि नै सुशासनका क्षेत्रमा उदारहणिय काम गर्दै र आगामि दिनमा पनि यस्तै तरीकाले काम गर्न गैरसरकारी संस्था महासंघ डोटीका अध्यक्ष रघु कठायतले सुझाए । आफुबाट हुने सहयोगका लागि तत्पर रहेकोे समेत उनले बताए ।

युरोपियन युनियनको आर्थिक सहयोग, डिसिएको व्यवस्थापन र इनलोगोजको प्राविधिक सहयोगमा सम विकास केन्द्र (इडिसि) नेपाल डोटीमार्फत परिवर्तन परियोजना फेवअरी २०१९ देखि डिसेम्बर २०२२ सम्म डोटीमा संचालन हुने सम विकास केन्द्र डोटीका अध्यक्ष अधिराज बिसिले बताए ।
कार्यक्रममा सहभागीहरुले परियोजनालागु भएका स्थानिय तहमा उदेश्य अनुरुप लक्षित बर्गलाई विशेष जोड दिनु पर्ने सुझाव सल्लाह दिएका थिए ।