गाँउपालिका द्धारा महिला स्वास्थ्य स्वयम् सेविकालाई मोबाईल वितरण
डीबी विष्ट फागुन २० बझाङ । गाँउपालिकाले गाँउपालिका भरी रहेका सबै महिला स्वास्थ्य स्वयम् सेविकाहरुलाई मोबाईल वितरण गरेको छ ।
मष्टा गाँउपालिकाको आर्थिक सहयोगमा जनता संग अध्यक्ष कार्यक्रम अन्तरगत गाँउपालिका भरिका ३६ जना महिला स्वास्थ्य स्वयम्सेविकाहरुलाई सिमकार्ड सहितका मोबाईलसेटहरु वितरण गरेको हो ।
समाजमा महिला स्वास्थ्य स्वयम् सेविकाहरुको ठुलो भुमिका खेलेकोे भन्दै गाँउपालिकाले सबै महिला स्वास्थ्य स्वयम् सेविकाहरुलाई नमस्ते र एनसिएलका सिमकार्ड सहित मोबाईल वितरण गरेको मष्टा गाँउपालिकाका अध्यक्ष कर्ण बहादुर कठायतले बताए ।
गाँउमा भएका स्वास्थ्य सम्बन्धि समस्या र प्रत्यक गाँउ समाजमा भएका सकारात्मक तथा नकारात्मक गतिविधीहरुका बारेमा जानकारि दिने उदेश्यले मोबाईल वितरण गरेको हो ।
महिला स्वास्थ्य स्वयम् सेविकाहरुले समाजमा महत्वपुर्ण भुमिका खेलेका कारण प्रोत्साहन स्वरुप मोबाईल सेट वितरण गरेको हो । एक जना महिला स्वास्थ्य स्वयम् सेविका बराबर सीमकार्ड सहित ८ हजार १ सय १० रुपैया बराबरका मोबाईल वितरण गरिएको छ । गाँउपालिकाको झण्डै २ लाख ८४ हजार ७ सय ६० रुपैया बराबरको लागतमा मोबाईल सेट र ७ हजार २ सयका सिमकार्ड गरेर २ लाख ९१ हजार ८ सय १० रुपैया खर्च भएको जनाएको छ ।
आफुहरुले मोबाईल पाँउदा निकै खुःसि लागेको महिला स्वास्थ्य स्वयम् सेविकाहरुले बताएका छन् । मष्टा गाँउपालिका वडा नम्बर ३ की महिला स्वास्थ्य स्वयम्सेविका जुना कठायतले मोबाईल पाए पछि गाँउका समस्याहरु भन्न पनि सजिलो हुने बताईन् ।
यस्तै रिलुकी महिला स्वास्थ्य स्वयम् सेविका धौली देवि आग्रीले गाँउमा बालबालीकाहरुले खोप पाए नपाएको बारेमा जानकारि गराउन मोबाईले सजिलो हुने बताईन् । पहिला अरुको मोबाईल मागेर जानकारी गराउन्थ्यौँ आग्रीले भन्नु भयो अब आफ्नै हातमा मोबाईल भए पछि झन सजीलो हुने भयो ।
महिला स्वास्थ्य स्वयम् सेविका जमुना बोहराले भने बल्ल गाँउमा सरकार आएको अनुभुति आफुलाई भएको बताईन् । सुचना प्रविधिको युगमा समेत हामीले एउटा मोबाईल समेत खरिद गर्न सकेका थिएनौ उहाँले भन्नु भयो गाँउपालिकाले नै मोबाईल खरिद गरेर दिएको छ । यसले हामीहरुलाई ठुलो राहत पुगेको छ ।
शनिबार गाँउपालिकाले सुचना प्रविधि केन्द्रको औपचारीक उद्घाटन समेत गरेको थियो । साहारा नेपालको सहकार्यमा कार्यक्रमको उद्घाटन भएको उहाँले बताउनु भयो ।
सुचना प्रविधि केन्द्रले अब गाँउपालिकाका सबै गतिविधीहरु घरमा नै बसेर हेर्न सकिने भने पनि मोबाईल नभए पछि हामीलाई अलि समस्या हुन्छकी भन्ने सोच थियो ।
तर गाँउपालकाले नै मोबाईल खरिद गरि दिए पछि अब गाँउपालिकाका सबै निर्णयहरु मोबाईल एप्स बाट नै जानकारि लिन सकिने उहाँले बताईन् ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
संबन्धित समाचारहरु
तपाइँको प्रतिक्रिया