धनगढी २० फागुन । धनगढी उपमहानगरपालिका १ शिबनगर की दुवै मृगौला फेल भएकी गोमादेवी बोहरालाई शिब महिला समुह,शिबनगरले २१ हजार ५ सय ५ रुपैया रहयोग गरेको छ । त्यस्तै प्रगती गरिवी निवारण महिला कोषबाट ५ हजार आर्थिक सहयोग गरेको छ ।

शिब महिला समुहकी अध्यक्ष लिला भण्डारी र प्रगती गरिवी निवारण महिला कोषकी अध्यक्ष पुष्पा चौधरी लगाएतका महिललाहरुले सयुक्त रुपमा उक्त रकम संकलन गरेर गोमा देवीका छोरा सुवाष बोहरालाई सयुक्त रुपमा हस्तान्तरण गरेका हुन् ।

दुवै मृगौला फेल भइ आर्थिक अभावका कारण गोमा देवी बोहराले उपचार गर्न सकेकी छैन् ।
पिडित बोहराका एक छोरा एक छोरी रहेका छन् भने उनका श्रीमान नेपाल प्रहरीमा रहेका बेला द्धन्दकालमा अछाममा तत्कालिन बिद्रोही पक्षबाट मारिएका थिए ।

शिबनगरका महिलाहरुले सहयोग गर्न पाउँदा निकै खुसी लागेको उनले बताए ।
शिबनगरकी माया लेखकले दुवै मृगौला फेल भएकी गोमा देवी बोहराको उपचार गर्न सक्ने अवस्था नभएकोले आफुहरुले सहयोग गरेको बताए ।
गोमा देवीलाई उपचार गर्न र छोरा छोरीलाई कसरी हुर्काउने भन्ने समस्या रहेको छ त्यसका लागि अझै अरुले पनि धेरै सहयोग गरिदिन माया लेखकले अनुरोध गर्नुभयो ।
केदार टोल बिकास समितिका अध्यक्ष पुर्णबहादुर रोकायाले पिडित गोमादेविलाई सहयोग गर्ने सम्पुर्ण महिला दिदिबहिनीहरुलाई धन्यवाद दिदै अरुलाई पनि सहयो गरिदिन अनुरोध गर्नुभयो ।