डीवि विष्ट फागुन ८ बझाङ । खप्तड छान्ना गाउँपालिकाका अध्यक्ष बर्क बहादुर रोकायाले यहाँको एक जना गरिब तथा जेहेन्दार पढेलेखेको युवालाई लोकसेवाको तयारी कक्षा गर्नका लागी आफ्नो एक महिनाको पारिश्रमिक सहयोग स्वरुप दिएका छन् ।

खप्तड छान्ना गाउँपालिका ५ मोतुवा घर भएका भक्त बहादुर सिंहका कान्छा छोरा बिनय बहादुर सिंहलाई धनगढीमा लोकसेवाको तयारी कक्षा पढ्नका लागी मंगलबार गाउँपालिका कार्यालयमा नगद तिस हजार सहयोग गरेका हुन ।

धनगढीमा एच. ए. पास गरेर जागिर नपाएको र माथिल्लो कक्षा पढन् घरको आय स्रोत नभएको हुदा बिनयका बुवा भक्त बहादुर सिंहले आफ्नो छोराको पढाईको अबस्था र घरको पारिबारिक समस्या बारे गाउँपालिका अध्यक्ष रोकाया संग जानकारी गराए पछि अध्यक्ष रोकायाले सहयोग गरेका हुन ।

घरमा जग्गा जमिन पनि नभएका सिंह गाउँकै सबै भन्दा गरिब परिबारका हुन् । अरु छोरा भन्दा पढाईमा बिनय तेजिलो हो भक्त बहादुर सिंहले भन्नुभयो पैसा नभएर साह्रै समस्या थियो घरमा बोलाउने सोचेको थिए अध्यक्ष ले सहयोग गरेपछि धनगढी मै बसेर केहि महिना अब लोकसेवाको तयारी कक्षा गर्न लगाउन्छु ।

गत बर्ष मै हेल्थ असिस्टेन्ड प्रथम श्रेणीमा पास गरेका बिनयले लोकसेवाको तयारी कक्षा लिने सोच गरेका भएपनि घरबाट बुवाले पैसा नपठाउदा पढ्न सकेका थिएन ।
हाई स्कुलको शिक्षा स्थानीय खप्तड माबि कालुखेती बाट प्रथम श्रेणीमा पास गरेपछि एच ए पढनका लागी पनि उहाँले सरकारी कोटामा छात्रबृद्धीमा नाम निकालेर धननगढी पढेका थिए
खप्तड छान्ना गाउँपालिका अध्यक्ष बर्क बहादुर रोकायाले गाउँपालका भित्र बिनय जस्ता युवाहहरु पढाईमा अब्बल भएका धेरै छन् । उनिहरुका लागी गाउँपालिकामै आउदो वर्षदेखी लोकसेवाको तयारी कक्षा संचालन गर्नु आवस्यक छ ।

व्यक्ति पीच्छे सहयोग गर्नु भन्दा युवाहरुका लागी लोकसेवा कक्षा संचालन गर्नु आवस्यक भएको युवाहरुको भनाई छ । गाँउका गरिब दुखीहरुको सेवा गर्ने परोपकारी मन भएका अध्यक्ष रोकायाले यस अगाडी पनि आफ्नो पारिश्रमिकवाट स्थानीय जगदीश्वर सामुदायिक बनको घेरबारका लागी बिस हजार नगद सहयोग गर्नु भएको थियो ।

गाउँपालिका भित्रका अगुवा कृषक समेत रहेका अध्यक्ष वर्क रोकाया तरकारी फलफुल विक्री गरेर मात्र बार्षिक ४।५ लाख कमाउने गर्दछन् । फुर्सदमा उहाँ जहिले पनि आफ्नो तरकारी फलफुल बगैचामै काम गरेका भेटिन्छन् ।

संकटकालमा तत्कालिन माओवादीले कुटपिट गरेर मर्नबाट बाचेका रोकाया यो जिवन उपहार भएको भन्दै जनसेवामै बढी तत्लीन छन् ।