दार्चुला । दार्चुला जिल्लामा रहेको स्वदेशी लद्युवित्त वित्तीय संस्थाको केन्द्र प्रमुख गोष्ठी २०७५ सम्पन्न भएको छ । यस संस्थाले काम गर्दै जादाँ भएका कमि कमजोरी लगायत सुधार गर्नुपर्ने पक्षको बारेमा जानकारी लिने उद्देश्यका साथ कार्यक्रमको आयोजना गरेको हो ।

स्वदेशी लद्युवित्त वित्तीय संस्था शाखा कार्यालय दार्चुलाका केन्द्र प्रमुख विश्ना धामीको अध्यक्षतामा गोष्ठी गरिएको हो । त्यसैगरी प्रमुख अतिथिमा महाकाली नगरपालिकाका मेयर हंशराज भट्ट , विशष्ट अतिथिमा महाकाली नगरपालिका वडा नम्बर ४ का वडा अध्यक्ष पुष्करराज जोशी , केन्द्रिय कार्यालय इटहरीका बरिष्ट अनुगम अधिकृत पुष्करराज पाण्डे लगायत अतिथिमा लद्युवित्त वित्तीय संस्था दार्चुला शाखाका प्रमुख केशबराज जोशी रहनु भएको थियो ।

अरु औपचारीक कार्यक्रमको उदघाटनमा राष्ट्रिय गान गाएर गर्ने भएपनि यस वित्तीय संस्थाले भर्ने हे आमा अब जान्नौँ विदेश स्वदेशमै गर्ने छौँ मेहेनत’ भन्ने गीत गाएर सुरुवात गरेका थिए । यस लद्युवित्त वित्तीय संस्थाको स्थापना २०७२ सालमा गरिएको हो । त्यसैगरी नेपाल भरि अहिले यसका ९७ वटा केन्द्र तथा ७४ वटा शाखाहरु स्थापना भएको यस संस्थामा कार्यरत जानकी बडाले जानकारी दिनु भएको छ ।
पछिल्लो समय विभिन्न रेष्टुरेन्ट तथा होटलहरुमा पुरुषले चुलोचौकोको जिम्मेवारी सम्हान सक्छन भने महिलाले पनि चुलोचौकोको कामकाज छोडेर बाहिरि जिम्मेवारी सम्हालन सक्ने महाकाली नगरपालिकाका मेयर हंसराज भट्टले भन्नु भयो । साथै थोरै रकम भएपनि बचत गर्ने बानि बस्ने र आफुला चाहिएको बेला संस्थाबाट सहयोग लिन सक्ने र घरमै रहेका महिलालाई पनि सक्ष्म बनाउन यस लघुवित्ति वित्तिय संस्थाले सहयोग गरेको उनले भन्नु भयो ।

साथै उक्त संस्थामा आबद्ध भएका महिलाहरुले २ सय देखि एक हजार रुपैँया सम्म जम्मा गर्ने गरेको संस्थामा आबद्ध नन्दा ठगुन्नाले बताईन । त्यसैगरी यस लद्युवित्त वित्तिय संस्थामा आबद्ध भएपछि आफुहरुलाई निकै सहज भएको र आफुलाई आत्मनिर्भर बनाउन मदत्त गरेको उनीहरु बताउछन ।

त्यसैगरी उक्त कार्यक्रममा उक्त लद्युवितका कर्मचारी लगायत आबद्ध भएका महिलहरु र सञ्चारकर्मिको सहभागीता रहेको थियो । कार्यक्रमको सञ्चालन अमरगढी डडेल्धुराका शाखा प्रमुख राम दत्त जोशीले गर्नु भएको थियो ।