काठमाडौँ, १४ माघ । बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तको शवबाट निकालिएको ‘भजाइनल स्वाब’ को डीएनए र आमा दुर्गादेवीको डीएनए मिलेको छ ।

कंचनपुरका प्रहरीका नायव उपरीक्षक डिसएपी मेघबहादुर खत्रीका अनुसार निर्मलाको योनिबाट निकालिएको स्वाबसँग आमा दुर्गादेवीको डिएनए मेल खाएको हो।

पन्तको शवबाट निकालिएको भनिएको भनाइजल स्वाबमाथि नै प्रश्न उठेपछि बैधानिकता जाँच गर्न आमा दुर्गादेवी डीएनए टेष्ट गर्न तयार भएकी थिइन् । उनले कञ्चनपुरमा पुगेर २५ पुसमा आफ्नो रगतको नमुना दिएकी थिइन् ।

मानवअधिकार आयोगले ‘भजाइनल स्वाब’ संकलन नै त्रुटिपूर्ण भएको रिपोर्ट सार्वजनिक गरेको भोलिपल्टै प्रहरीले ‘भजाइनल स्वाब’ को डीएनए र दुर्गादेवीको डीएनए मिलेको सार्वजनिक गरेको कहो ।

आमाको रगतबाट निकालिएको डीएनए र स्वाबबाट निकालिएको डीएनए म्याच भएसँगै अब यसमा प्रश्न उठाउनु कुनै औचित्य नभएको प्रहरीले दाबी गरेको छ ।

कञ्चनपुरकी १३ वर्षीया बालिका निर्मला पन्तको साउन १० गते बलात्कारपछि हत्या भएको थियो। हत्या अभियोगमा पक्राउ परेका दुई दर्जनभन्दा बढीको डिएनए परीक्षण गर्दासमेत अपराधी पत्ता लाग्न सकेको छैन।