लखीमपुर खीरी भारत ४ भाद्र  । सहकारी गन्ना विकास समिति लिमिटेड अरनीखाना कार्यालयको जग्गा खरीद–बिक्री प्रकरणमा अनियमितताको आशंका उठेपछि सरकारले संज्ञान लिएको छ।

विश्वसनीय स्रोतका अनुसार एउटै भवनलाई तीन फरक–फरक भागमा देखाएर रजिष्ट्रि गरिएको विषय उजागर भएपछि यसबारेमा छानबिन प्रक्रिया अघि बढाइएको हो। सो प्रकरणमा प्रयोग भएका स्टाम्पहरूको परीक्षणका लागि मुद्दा एआईजी स्टाम्प कार्यालयलाई पठाइएको छ भने सम्बन्धित व्यक्तिहरूमाथि आयकर विभागलाई समेत पत्राचार गरिएको छ।

स्थानीयवासीहरूले व्यवसायिक प्रयोजनका लागि रजिष्ट्रि गर्दा बढी खर्च हुने भएकाले यस्तो बाटो रोजिएको हुनसक्ने टिप्पणी गरेका छन्।

एक प्रोपर्टी डिलरका अनुसार, यसमा पर्दामुनि ठूला–ठूला व्यक्तिहरूको संलग्नता हुनसक्ने आशंका गरिएको छ। उनले भने, “ठूला मानिसहरू यसमा संलग्न छन्, छानबिन गर्दा कतै दबाबमा नपरोस्  भनेर सचेत रहंनु पर्छ ।