हिमशिखर बहु-उद्देशीय सहकारीको १६ औँ वार्षिक साधारण सभा
धनगढी ,२७ पुस / धनगढी उपनगरपालिका ५ तारानगरमा रहेको हिमशिखर बहु-उद्देश्यीय सहकारी संस्था लिमिटेडको १६औ वार्षिक साधारण सभा आज एक कार्यक्रमका बीच सम्पन्न भएको छ। सहकारीका अध्यक्ष दुर्गाप्रसाद भण्डारीको अध्यक्षतामा उक्त साधारण सभा सम्पन्न भएको सहकारीका सचिव बिमलकुमार जोशीले जानकारी दिए।
माननीय तथा राष्ट्रिय सभा सदस्य नारायण दत्त मिश्रको प्रमुख आतिथ्यता रहेको उक्त साधारण सभा कार्यक्रममा हिमशिखर सहकारीका सबै शाखाका कर्मचारी शेयर सदस्य ,ऋणी लगायत हिमशिखर सहकारीमा आबद्ध सरोकारवाला सबैको उल्लेखनीय उपस्थिति रहेको थियो।
यस्तै सहकारीमा आवद्ध रहेका ४ जना जेष्ठ सदस्यलाई सम्मान गरेको छ भने, ५ जना उत्कृष्ट बचत सदस्यलाई सम्मान गरेको छ। यस्तै ५ जना असल ऋणी सदस्यहरुलाई समेत सम्मान प्रदान गरेको हिमशिखर सहकारीका सचिव बिमल कुमार जोशीले बताए ।
साथै यस सहकारी संस्थाले वर्षभरिको आफ्नो प्रगति विवरण आय-व्यय लगायतका बारेमा साधारण सभामा उपस्थित सदस्यहरूलाई जानकारी गराएको छ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया