धनगढी‚ २३ मँसिर । डिसेम्बर ९ अर्थात अन्तरष्ट्रिय भ्रष्टाचार विरुद्धको दिवस एक कार्यक्रमका बिच धनगढीमा सम्पन्न भएको छ ।सुदूरपश्चिम प्रदेशका सामाजिक बिकास मन्त्री कृष्णराज सुवेदी, धनगढी उपमहानगरपालिकाका उपमेयर शुशिला मिश्र भट्ट लगाएत सरोकारवाला निकायहरुले सामुहिक रुपमा म भ्रष्टचार पनि गर्दिन, गर्न पनि दिन्न र गर्नेलाई कारर्वाही गछु भन्दै प्रतिबद्धता जनाएका छन् । सदाचारका लागि सामाजिक पहल र एफएमडिसी, बिकास र सामाजिक परिवर्तनका लागि सञ्चारले भ्रष्टचार न्यूनिकरणमा स्थानिय सरकारको भुमिका बिषयक आयोजना गरेको कार्यक्रममा प्रतिबद्धता जनाएका हुन् ।

सामाजिक बिकास मन्त्री सुवेदीले आफनो कार्यकालमा भ्रष्टचार पनि न गर्ने र गर्नेलाई पनि कारर्वाही गरेर सफलता पुर्वक सफल पार्ने समेत बताए ।  अर्कोतर्फ भ्रष्टाचारीहरुलाई कारवाही गरेर उदहारण कायम गर्न सकेमा आगामी दिनमा भ्रष्टाचारलाई न्यून गर्दै समूल विकासको बाटो तर्फ अघि बढ्न सकिने धारणा ब्यक्त गर्नुभयो । धनगढी उपमहानगरपालिकाका उपमेयर शुशिला मिश्र भट्टले नेपालमा भ्रष्टचार मौलाई रहेको र यसलाई देख्ने आँखा र कारर्वाही गर्ने निकायको कमी भएको बताए ।

उनले भ्रष्टचारलाई न्यूनिकरण गर्न सबै जिम्मेवार बन्नुपर्ने उल्लेख गर्नुभयो । कार्यक्रमका अध्यक्ष तथा वरिष्ठ पत्रकार उमीद बागचन्दले पछिल्लो समयमा भ्रष्टचारको जालो बढ्दै गएको र यसलाई कम गर्न युवाहरु नै जागरुक हुनुपर्ने बताए । अब देखि कैलाली जिल्लाका हरेक क्याम्पसहरुमा भ्रष्टचार बिरुद्ध युवा सञ्जाल गठन गरेर अभियान समेत थालनी गर्ने बताए । कार्यक्रममा कैलाली बहुमुखी क्याम्पसका पुर्व चिप सुरेन्द्र चन्द‚ पुर्व नगरप्रमुख खेमराज पाण्डेय‚ डाक्टर पदमराज जोशी सहभागि रहनु भएको थियो भने सहभागी सबैलाई सदस्य रघुबिर भट्टले स्वागत स्वागत गर्नु भएको थियो ।

सहभागिहरुले भ्रष्टाचार एक वा एक भन्दा बढी व्यक्ति वा संस्थाका गतिविधिसँग जोडिएको विषय भएकाले यसलाई तोड्न प्रभावकारी रुपमा जनचेतना बढाउनुपर्नेमा जोड दिइएका थिए ।

कार्यक्रममा धनगढीका पुर्व मेयर खेमराज पाण्डे,कैलाली बहुमुखी क्याम्पसका पुर्व क्याम्पस प्रमुख सुरेन्द्र चन्द,एश्वर्य बहुमुखी क्याम्पसका क्याम्पस प्रमुख धर्मदेव भट्ट,सदाचारका लागि सामाजिक पहलका कार्यक्रम संयोजक गगनराज घिमिरे लगाएले बोल्नुभएको थियो । संयुक्त राष्ट्र संघले सन् २००३ को डिसेम्बर ९ मा भ्रष्टाचार विरुद्ध राष्ट्रिय भ्रष्टाचार विरुद्धको  दिवस मनाउदै आएको छ ।