धनगढी १८ मँसिर । कैलाली थारु कल्याणकारिणी सभा जिल्ला समिति र थरुहट थारुवान सँयुक्त सँघर्ष समितिले पत्रकार सम्मेलन गरी टिकापुर घट्नाका अरोपीहरुलाई रिहाई र साँसद रेशम चौधरीलाई प्रमाण पत्र प्रदान सपथ ग्रहण गराउन फेरी आग्रह गरेको छ ।

आफुहरु माथि वर्तमान सरकारले सौतेलो व्यवहार गरेको भन्दै आफुहरुको मागलाई सम्वोधन नगरे फागुन महिना देखि सशक्त आन्दोलनमा उत्रिने समेत पत्रकार सम्मेलन मार्फत चेतावनी दिएका छन ।

भदौ ७ गतेको घट्नाका आरोपीलाई मात्र यति लामो समयदेखि थुनावमा राख्ने तर ८ गतेको घट्नामा थारु परिवारका घर‚ पसल र एफएममा समेत आगजनी गर्नेलाई अहिलेसम्म कुनै कारवाही नगरि त्यसै छोड्नुलाई सरकार आफुहरु प्रति पुर्वाग्रही भएको समेत आरोप लगाईएको छ ।

पत्रकार सम्मेलनमा थारु कल्याणकारिणी सभा जिल्ला समितिका कारेवाहक सभापति माधव चौधरी‚ थरुहट थारुवान सँयुक्त सँघर्ष समितिका कृष्ण चौधरी कुन्दन र थारु कल्याणकारिणी सभा जिल्ला समिति कैलालीका पुरेव सभापति प्रभात चौधरीले पत्रकारहरुले सोधेका प्रश्नको जवाफ दिएका थिए ।