धनगढी १४ मसिंर । कैलालीको टिकापुर नगरपालिका वडा नम्बर १ ब्लक नम्बर १६ मा १६ बर्षिया किशोरी मृत फेला परेकी छिन्। वडा नम्बर १ बस्ने १६ बर्षिया पुजा थापा घर नजिकै मृत अवस्थामा भेटिएकी ईलाका प्रहरी कार्यालय टिकापुरले जनाएको छ। घटनाको बारेमा थप अनुसन्धान भइरहेको टिकापुर प्रहरीले जनाएको छ।

प्रहरीले अहिले मुचुल्का संकलन गरिरहेको छ। स्थानीयले हत्याका आशंका गरको छन्। पुजा थापाको शव शुक्रवार बिहान घर भन्दा करिब २०० मिटर टाढा बेवारिसे अवस्थामा फेला परेको छ ।

प्रहरीले घटनास्थल मै शवको रिपोर्टिङ गर्दा उनको शरिरमा कुनै घाउ वा चोट फेला परेको छैन । उनी जहाँ फेला परेकी थिइन त्यहाँ भन्दा ठिक अगाडी निर्माणाधीन एक घरमा सानो औषधिको बोतल र उनले उल्टि गरेको भेटाईएको प्रहरीले बताएको छ ।

मृतक पुजाले बिष सेवन गरेको हुनसक्ने आशंका प्रहरीले गरेता पनि यथार्थ कुरा उनको पोस्टमार्टम रिपोर्ट बाट आउने प्रहरीले बताएको छ ।