धनगढी,२७ कार्तिक । नेपाली कांग्रेस कैलालीका पार्टी सभापती नरनारायण शाह ‘मनु’ले संगठन निर्माणमा जुट्न जिल्लाका नेता तथा कार्यकर्तालाई निर्देशन दिएका छन् ।

नेपाली कांग्रेस धनगढी नगर कार्य समितिले आयोजना गरेको बडादशैं, शुभ दिपावली, छठ तथा नेपाल सम्वत्को अवसरमा आयोजना गरेको शुभकामना आदानप्रदान तथा चियापान कार्यक्रममा बोल्दै पार्टी सभापती शाहले मंसिर देखि फागुन सम्मको समय संगठन निर्माणका लागि उपयुक्त हुने बताए ।

उनले स्थानीयतहमा आफ्नो पार्टीबाट निर्वाचित जनप्रतिनिधी संग समन्वय गर्न पनि वडा तथा जिल्ला कार्यसमितिका पदाधिकारी संग आग्रह गरे । उनले भने, हामी समन्वयमा चुकिरहेका छौं आगामी दिनमा यस्तो हुनुहुदैन । अहिलेको अबस्थामा झिाना मसिना स्वार्थमा लागेर पार्टी संगठनलाई कमजोर बनाउन नहुने पनि सभापती शाहले सुझाव दिए ।

नेपाली कांग्रेस धनगढी नगर कार्य समितिका सभापती नृपबहादुर वडले गुटउपगुटका कुरा गरेर संगठन कमजोर बनाउन तिर नलाग्न नेता तथा कार्यकर्ता संग आग्रह गरे । नगरसभापती वडले पार्टीको क्रियाशिल सदस्यता वितरण गर्दा ब्यापक छलफल गर्न समेत वडा सभापतीलाई आग्रह गरे । उनले कृयाशिल सदस्यहरुलाई सक्रिय भूमिका निभाउन समेत आग्रह गरे ।