निराजन परियार । लामो समयको पलान पछि २०७५ सालको दशै तिहारको बिदा मिलाएर इलाम घुम्न निस्किएँ ।
इलामकै मित्रहरुको आतिथ्य पाएपछि ईलाम घुम्ने, इलाम बुझ्ने अवसर पाए ।

झापाबाट इलामको उकालो लागेपछि त्यहाँको सवारी साधन र सडकका छेउहरुमा लेखिएको शब्दहरु हाम्रो ग्रिन इलामा स्वागत छ, आँखामा नबिजाउने दृश्य र यात्राका क्रममा भेट हुने इलामका जो कोही मानिसको शिष्टाचार,सम्मानजनक र सहयोगी व्यवहार इलामका मनकारी मनहरुको परिचय झल्काउथ्यो ।

त्यहाँको प्राकृतिक सुन्दरता, पर्यटन अनि चिया र मानिसहरुकोे काम प्रतिको व्यावसायिता देखेर मनमा थुप्रै प्रश्नहरु उत्पन्न हुन् थाले । गायक दीपक लिम्बुको आवाजमा धेरै पहिले सुनेको थिए एउटा गित “मौका मिलाइ घुम्न आउनु हाम्रो ग्रिन इलाम” हरियाली ग्रिन इलाममा घुम्न आउन यो गितले आग्रह गरे जस्तै इलामको सुन्दरताले पनि हरेक घुम्न आउने जो कोहीलाई यस्तै आग्रह गरिरहेको थियो ।

चारैतिर हरियाली, प्रकृतिको सुन्दर मुहार, पौरखी मानिस अनि प्रकृतिसँग सुहाउने जे उत्पादन हो त्यसैबाट आम्दानी । मैले इलामलाई यस पटक यसैगरी बुझ्ने प्रयास गरेँ ।
प्रकृतिको वरदान इलाम त्यहाका चिसो धनगढीबाट म संगै गएको उत्ताउलो गर्मी कन्यामको चियावारीसँगै गायव ! र संगै सुदुरपश्चिम प्रदेशबाट एक नम्बर प्रदेश सम्मको यात्राको थकाइ क्षणभरमै गायव भएको पत्तै पाइन् ।

धेरै टाढाबाट निकै समय लगाएर शितल चियाबारीमा लुकामारी खेल्न पुगेका म जस्तै दृश्या वलोकन गर्दै कोही घोडामा चढेर शयर गर्दै थिए ।
सुविधाले भरिँदै गएको ईलामको पर्यटन व्यवसाय । त्यहाँ पुगेका जो कोही फोटो खिच्न चियावारीका बोटमा झुक्दै थिए, जति प्रशंसा गरे पनि कमै हुन्छ इलामलाई ।

मेरो २ दिनको बसाई इलामको दक्षिणी क्षेत्र दानाबारीमा भयो । जहाँका किसानहरु व्यवसायिक केरा खेतीमा आकर्षित भएका रहेछन् । उनीहरुले व्यवसायिक रुपमा केरा खेती गरी लाखौं आम्दानी लिईरहेका छन् । जिल्लाको दानाबारी, महमाई, चिसापानीलगायतका किसानहरुले केराको व्यवसायिक खेती सुरु गरेका रहेछन् । त्यस क्षेत्रमा केराका राम्रो सम्भावना भएर केरा व्यवसायलाई जिविको पार्जन बनाएका छन् ।

लगभग एक हप्ता लामो इलाम र झापाको बसाईका क्रममा धरान बुढासुब्वा र धरान धनकुटाको भेडेटार लगाएका पर्यटकीय ठाउँहरुमा पुगेर धेरै कुरा जान्ने सिक्ने अवसर पाए ।