कैलालीमा लागुऔषधसहित ६ जना प्रहरी नियन्त्रणमा, पक्राउ पर्ने कोको हुन?
धनगढीः कैलालीमा लागुऔषधसहित थप ६ जनालाई प्रहरीले नियन्त्रणमा लिएको छ। जिल्लाका विभिन्न स्थानबाट संलग्नहरुलाई प्रहरीले नियन्त्रणमा लिएको हो।
धनगढी उपमहानगरपालिका–१३ का २३ वर्षीय सन्तोष राना, धनगढी उपमहानगरपालिका–१० का ५० वर्षीय रामनारायण राना, डोटीको आदर्श गाउँपालिका–२ घर भई हाल धनगढी उपमहानगरपालिका–२ रामजानकी टोलमा डेरा गरी बस्दै आएकी १९ वर्षीया आयुसा उपाध्याय, मिलन चोककी १५ वर्षीया करिस्मा छेदाल, टिकापुर नगरपालिका–८ बटमपुरका २५ वर्षीय आकाश चौधरी, टिकापुर–७ दिव्यपुरकी २९ वर्षीया सिवास्नी चौधरीसहित ६ जना पक्राउ परेका छन्।
लागुऔषधसहित जिल्लाका विभिन्न स्थानबाट प्रहरीले ६ जनालाई पक्राउ गरेको हो। पक्राउ परेका धनगढी उपमहानगरपालिका–१३ का सन्तोष रानाबाट १ ग्राम ४३० मिलिग्राम, उपमहानगरपालिका–९ बङग्राकटान स्थित धनगढी–१० का रामनारायण रानाबाट ४५० मिलिग्राम आयुसा उपाध्याय र करिस्मा छेदालबाट ६९० मिलिग्राम (पलाष्टिक सहित) लागुऔषध प्रहरीले फेला पारेको थियो।
त्यस्तै आकाश चौधरीले चलाएको से.५प. २०८९ नम्बरको मोटरसाइकल चेकजाँच गर्दा मोटरसाइकल पछाडी सवार सिवास्नी चौधरीको साथबाट ३० दशमलव ५७ ग्राम लागुऔषध जस्तो देखिने धुलो पदार्थ फेला परेपछि प्रहरीले पक्राउ गरेको हो। यस विषयमा थप अनुसन्धान भइरहेको प्रहरीले जनाएको छ। दिनेश खबरबाट
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया