भोलि न्यूनतम साझा कार्यक्रम ल्याउने सरकारको तयारी,के छन् एजेण्डा? "धेरै घुइँचो हुने सरकारी कार्यालयमा टाइम कार्ड, किसानलाई सहज तरिकाले मलको व्यवस्था, युवा स्वरोजगार कार्यक्रमलगायतका विषयलाई प्राथमिकतामा राखिएको छ । "
काठमाडौंः सरकारले न्यूनतम साझा कार्यक्रम शुक्रबारसम्म ल्याउने तयारी गरेको छ ।
न्यूनतम साझा कार्यक्रमको मस्यौदा तयार भइसकेको र अन्तिरुप दिने कार्य भइरहेको उपप्रधान तथा गृहमन्त्री रवि लामिछानेले बताए । आम नागरिकलाई केन्द्रमा राखेर न्यूनतम साझा कार्यक्रम ल्याउन लागेको गृहमन्त्री लामिछानेले बताए।
गृहमन्त्री लामिछानेले भने, ‘सरकारको न्युनतम कार्यक्रमका विषयमा बैठकमा छलफल भएको थियो शुक्रबार नै अन्तिमरुप दिने तयारी छ । न्यूनतम कार्यक्रममा भ्रष्टाचार नियन्त्रण, स्वास्थ शिक्षा, सेवा प्रवाह चूस्तदुरुस्त, मलका विषयलगायतका कार्यक्रमहरु समावेश भएको गृहमन्त्री लामिछानेले बताए ।
जसअन्तर्गत् धेरै घुइँचो हुने सरकारी कार्यालयमा टाइम कार्ड, किसानलाई सहज तरिकाले मलको व्यवस्था, युवा स्वरोजगार कार्यक्रमलगायतका विषयलाई प्राथमिकतामा राखिएको छ । सुशासन, राष्ट्रियताको रक्षा र अर्थतन्त्रमा सुधार, समृद्धि र शान्तिप्रक्रियाको पूर्णतासहितका एजेन्डालाई सरकारको प्राथमिकताका कार्यक्रममा राखिएको एक नेताले जानकारी दिए । महँगी नियन्त्रणसँगै सन्तुलित वैदेशिक नीति पनि यो सरकारको प्राथमिकतामा परेको छ ।
नागरिकसँग सरोकार राख्ने, जनताको मन छुन सक्ने, भ्रष्टाचार नियन्त्रण, जनजीविकाका सवाल केन्द्रमा राखेर न्यूनतम कार्यक्रम ल्याउने तयारी सत्ता साझेदार दलहरूको छ । उपप्रधान एवं अर्थमन्त्री विष्णु पौडेलको संयोजकत्वमा कार्यदल गठन भएको थियो । कार्यदलमा माओवादी केन्द्रबाट वर्षमान पुन, राष्ट्रिय स्वतन्त्र पार्टीबाट मुकुल ढकाल, राप्रपाबाट धवलशमशेर राणा र जसपाबाट रकम चेम्जोङ छन् । अन्नपुर्णबाट
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
संबन्धित समाचारहरु
तपाइँको प्रतिक्रिया