डीबी विष्ट  असोज २८ बझाङ । ग्रामिण भेगबाट दैनिक उपभोग्य बस्तु किन्न (खरीद) गर्नका  लागी सदरमुकाम चैनपुर बजार पुगेका सर्वसाधारण स्थानीयहरु जिल्लाको सदरमुकाम हो भन्न आफुलाई लाज लाग्ने बताउने गरेका छन् । बझाङ जिल्लाको सबै भन्दा ठुलो धार्मीक स्थल सुर्मा देवि मन्दिर नजीक रहेको चौहारमा जथाभावि रुपमा फोहोर देखीनु त्यसैमा पनी नालीकोे पानी सडकमा छता छुल्ल अवस्थामा देखीनुले सदरमुकाम आएको जस्तो आफुलाई भान नहुने सुर्मा गाँउपालीकाका स्थानीय बासिन्दा पे्रम बहादुर बोहराले बताउनु भयो ।

नगरपालीका भएको ३ बर्ष हुन लाग्दा पनी सदरमुकाम चैनपुर बजारको फाहोर ब्यावस्थापन गर्न नसकेको स्थानीयहरुले बताएका छन् । बजारका केहि ब्यापारी, उद्योगी र घर मालीक तथा कोठा भाडामा बस्नेहरुले सदरमुकाम चैनपुरमा भएर बग्ने नालीमा जथाभावि प्लाष्टिक, सिसा, लगायत फोहोर फाल्नाले दिन प्रतिदिन सदरमुकाम चैनपुर दुगन्धित बन्दै जान जान थालेको हो  ।

स्थानीयहरुले जथाभावि रुपमा फाहोर फाल्दा पानी बग्ने नालीमा फोहोर अड्कीने र नालीनै भत्तकाउनु पर्ने अबस्था सृजना हुने गरेको स्थानीय दिपक ओलीले बताउनु भयो । पानी सडकमा बग्दा ग्रामीण भेग बाट सदरमुकाम चैनपुर सम्म सामान खरीद गर्नका लागी आएका सर्वसाधारणहरुलाई विच बजारमा हिड्न पनी समस्या हुने गरेको छ । सदरमुकाम चैनपुरमा सामान किन्न जाने भने पछि नयाँ कपडा लगाएर घर बाट आउनु पर्छ जयपृथ्वी नगरपालीका १ का रिदम सिहँले भन्नु भयो । यता आएर लगाएका कपडा जम्मै फहोर हुन्छ । विच सडक भएर बग्ने नालीको फोहोर पानीले कपडा पनी भिज्छन् । जुत्ता लगाएका मान्छेलाईत झन हैरान नै हुन्छ । ससाना बालबालीका वृद्ध वृद्धाहरुलाई त झन हिड डुल गर्न समस्या नै हुन्छ ।

नालीमा फोहोर अड्कीएर सडकमा पानी बग्न थाले पछि आफ्नो ब्यापारमा समेत समस्या भएको विनीता खाजा घरका प्रो प्राईटर विरेन्द्र बहादुर सिहँले बताउनु भयो । यस्तै भुमीराज फलफुल तथा तरकारी पसलमा प्रो प्राईटर हरीसिहँ भाटले नजीकै फलफुलको पसल छ विच सडकमा नालीको फोहोर पानी बगी रहन्छ । त्यसैमा सवारीका साधनहरु तल माथी गर्दा सबै फहोर पानी तरकारी र फलफुलमा पर्ने गरेको गुनासो गर्नु भएको छ  । तरकारी र फलफुलमा फोहोर देखीए पछि कसैले पनी तरकारी र फलफुल किन्न मन गर्दैनन् । नाली ब्यावस्थित गर्न र फोहोर ब्यावस्थापन गर्न कुनै पनी निकायले पहल चालेको छैन यहाँका स्थानीयहरुले पनी चाँसो देखाउदैनन् उहाँले भन्नु भयो । सदुमुकाम चैनपुर भन्न पनी आफुहरुलाई लाज लाग्छ । त्यसैमा नगरपालीका पनी भै सक्यो बजारको हालत जस्ताको त्यस्तै छ ।  स्थानीय ब्यापारी उमासंकर जोशिका अनुसार  जयपृथ्वी नगरपालीकाले बार्षिक रुपमा लाखौको बजेट छुट्याउन्छन् खै त्यो बजेट कागजमा मात्र सिमीत भएको जस्तो मलाई लाग्छ । बजारको हालत जस्ताको त्यस्तै छ ।

यता जयपृथ्वी नगरपालीकाका मेयर विरेन्द्र बहादुर खड्काले नगरपालीकाले फोहोर ब्यावस्थापन गर्नका लागी लागी परेको विहान नगरपालप्काले टिप्पर परीचालन गरी बजारमा भएको सबै फहोर संकलन गरी बजार नजीकै रहेको बाउली खोलमाका फ्याक्ने गरेको बताउनु भयो । अब नगरपालीकाले फोहोर फाल्ने ठाँउको पनी खोजी गरी रहेको र सदरमुकाम चैनपुरलाई सफा राख्नका लागी कार्ययोजना बनाउन नगरपालीकाले पहल चालेको बताए । अहिले प्रत्यक दिन हप्तको एक दिन शनिबार पतन्जली योगले पनी सरसफाई अभियन संचालन गरी रहेको उहाँको भनाई छ । दर्शैको समयमा किनमेल गर्नका लागी सदरमुकाम आएका सर्व साधारण ब्यक्तीहरुले भने नगरपालीकालाई नहरपालीका भन्दै हाँसोृमा उडाउन थालेका छन् ।