डीबी विष्ट असोज २४ बझाङ । करीब एक दशक पछी बझाङ जिल्लामा हवाई जहाज परिक्षणका रुपमा हवाई उडान गरेको छ । करीब १० वर्ष देखी बन्द भएको हवाई जहाजले बुधबार परिक्षण सुरु गरेको हो ।

२०३५ सालमा कच्ची विमानस्थल निर्माण सम्पन्न भए पछि पहिलो पटक तत्कालिन शाही नेपाल वायुसेवा निगमले साप्ताहिक उडान थालेको यो विमान स्थल २०६५ साल पछी बन्द भएको थियो । नेपालगंज बाट १२ः २४ मा उडेको नेपाल एरलाईन्सको हवाईजवाज ४५ मिनेट पछी बझाङ जिल्लाको दबेल विमान स्थलमा लेन्ड भएको विमान स्थल सुरक्षा गार्डका प्रहरी सहायक निरक्षिक काँसीराम पन्तले बताउनु भयो । झण्डै २० मिनेट हवाई मैदानमा रोकीएको हवाईजहाजमा सुपर डिभीजन कार्यलयका बरिष्ट अधिकृत भगवती प्रसाद करुङ, नेपाल एरलाईन्सका रमेश कुमार पाण्डे, बायुसेवानीगमका दिपेन्द्र सेन लगायतका स्टाफहरु रहेका थिए । ढ ल ब्प्ग् ज्ञठ सिट क्षमता भएको उक्त हवाईजहानको परिक्षण उडान मात्रै गरीएको नेपाल एरलाईन्सका रमेश कुमार पाण्डेले बताउनु भयो । जनप्रतिनीधीहरुको र मिडीयाकर्मीकोहरुको लामो प्रयास पछी हवाईजहाज परक्षण कार्य सुरु गरएिको हो । नेपाल एरलाईन्सका रमेश कुमार पाण्डेका अनुसार अब बझाङ जिल्लामा यात्रुहरु के कती हुन्छ सो हेरेर  उडान गर्न सकीने बताएका छन् । एक दशक पछी हवाई जहाजले परिक्षणका लागी हवाई उडान गरी पछी यहाँका स्थानीय बासिन्दा निकै खुःसी भएकाख छन् ।

बझाङ सदरमुकाम  चैनपुरको नजीकै रहेको देवल विमान स्थल कालोपत्रे गर्ने भनीए पनी अहिले सम्म हुन सकेको छैन ।  बझाङका नागरिक अभिन्यता, सभासद र स्थानियहरु, तथा पत्रकारहरुको पटक पटकको दबाव पछि नागरिक उड्डयन प्राधिकरणले विमानस्थल लाई कालोपत्रे गर्न टेण्डर आव्हान गरेको भए पनी कालो पत्रे हुने नहुने कुनै छाँटकाँट नभएको यहााका स्थानीय बासिन्दाले बताएका छन् ।

बैशाखको दोस्रो साता नै भत्र टेण्डर प्रक्रियाको टुङगो लागी सक्ने र २ वर्ष भित्र कालोपत्रे गरिसक्ने गरी प्राधिकरणले काम अगाडी बढाएको जनाईएको भए पनी अहिले सम्म उत्तः कामको कुनै टुङ्गो नलागेको स्थानीय नरेन्द्र खड्काले बताउनु भयो ।  नागरिक उड्डयन प्राधिकरणका निर्देशक धुव्र भोसिभोयाले विमानस्थल कालोपत्रे भए पछि बझाङमा सरकारी तथा निजी कम्पनीहरुले उडान सुचारु गर्ने बताएका थिए ।

२०३५ सालमा कच्ची विमानस्थल निर्माण सम्पन्न भए पछि पहिलो पटक तत्कालिन शाही नेपाल वायुसेवा निगमले साप्ताहिक उडान थालेको यो विमान स्थल २०६५ साल सम्म सञ्चालनमा रहेको थियो । पछिल्लो समय निगम बाहेकका निजी विमान कम्पनीहरुले पनि बझाङबाट नेपालगंज र धनगढीका लागि उडान भर्ने गरेका थिए । २०६५ सालमा बझाङ सदरमुकाम सम्म बस चल्न थाले पछि यो विमानस्थलमा कुनै पनि उडान भएका थिएनन् । २०६६ सालमा नेपाल वायुसेवा निगमले बझाङ सदरमुकाममा रहेको आफ्नो कार्यालय समेत बन्द गरेको थियो ।

बढी जसो बझाङ नेपालगंज उडान संचालन गर्ने विमान कम्पनीहरुले नेपालगंज बाट बझाङ आउने यात्रुको चाप घट्दै गएको कारण उडान बन्द गरेको बताए थिए । यद्यपी धनगढी बझाङ उडान संचालन गर्न सके दैनिक दुइ तीन वटा सम्म ट्वीनअटर फ्लाइट गर्न सकिने सम्भावना रहेको विमान कम्पनीहरुले बताउदै आएका छन् । तर धनगढी विमान स्थलमा विमानलाई राती राख्न मिल्ने व्यवस्था नभएको भन्दै उनिहरु नै बझाङमा उडान भर्न आनाकानी गर्दै आएका छन् ।  बेवारिसे जस्तै बनेको विमानस्थल स्थानियले खेल मैदान र गौचरन बनाउदै आएका थिए ।   विमानस्थल स्थित टावर रहेको भवन स्थानिय केटाकेटीको सौच गर्ने ठा“उमा परिणत भएको थियो । केही वर्ष अघिमात्र निर्माण सम्पन्न भएको उक्त भवनका झ्याल ढोकामा रहेका शिशाहरु पनि फुटाइएको अवस्था छ । एक दशक पछी बझाङ मा हवाईजहाज उडान भए पछी यहाँका सर्व साधारण हरु मा खुःसी छाएको छ ।