धनगढी १५ असोज । बिवेकशिल साझा पार्टीका संयोजक रबिन्द्र मिश्रले दुई तिहाई प्राप्त सरकारले गर्ने न गर्ने काम गरेर देशलाई संकटमा हालेको बताएका छन् । यो सरकारबाट बिकास र देश परिवर्तन हुने कुनै संकेत पनि नदेखिएको बताउनु भयो । आज पाटीको संगठन बिस्तार क्रममा संयोजक व्दय उज्जल थापा सहित धनगढी पुग्नु भएका रविन्द्र मिश्रले अाज आयोजित पत्रकार सम्मेलनमा बोल्दै अब देशमा दुई तिहाईको बहुमत र बिगतमा राजनीति परिवर्तनका लागि तेतृत्व गरेर मात्र देश परिवर्तन नहुने भन्दै मुल मुद्धा नै देश परिवर्तन भएकोले त्यसका लागि ईमान्दारिता र  क्षमतावान नेता हुनुपर्ने आवश्यकता अनुरुप बिवेकशिल साझा पाटी अघि बढेको दावी समेत गर्नु भयो ।

मिश्रले हरेक राजनिति दलमा राम्रा मान्छेहरु पनि हुन्छन‚ राजनितिलाई छुछु दुरदुर गरिनु हुँदैन भन्दै सँविधानको दायरामा बसेर देशलाई समुन्नती तर्फ लैजान सकिन्छ तर सँविधान सँशोधन गर्न नसकिने भन्ने होईन‚ भन्नु भयो।

आफ्नो पार्टी भित्र हरेक उमेर समुहको नेतृत्व गर्न सक्ने नेताहरु समेत रहेको स्पष्ट पार्नुभयो । पत्रकार सम्मेलनमा बोल्दै उहाँले बिवेकशिल साझा पाटीले अबको एक बर्ष भित्र संगठनको जग बलियो बनाएर पुर्ण रुपमा देशको नेतृत्व गर्न सक्छौ भनेर प्रमाणित गरेर देशको एक नम्बर पाटी बनाएर देखाउने बताउनु भयो । त्यसका लागि समग्र देशको नेतृत्व गर्न सक्छौ भनेर अगाडी आएको समेत स्पष्ट पार्नु भयो ।

पत्रकार सम्मेलनमा उज्वल थापाले पत्रकारहरुको जिज्ञासाको जवाफ दिएका थिए भने केशव दाहाल‚ प्रदेश नम्बर ३ का विवेकशिल साझा पार्टीका तर्फबाट सँसदिय दलका नेता रमेश पौडेल‚ सुदुरपश्चिम प्रदेशका सँयोजक गोपाल हमाल लगायतका नेताहरुको उपस्थिति थियो ।