हसुलिया । थारु समुदायको बाक्लो  उपस्थिति रहेको  कैलारी गाउँपालिकाले माघी पर्व हर्षोल्लासका साथ  मनाउन तीन दिन विदा दिने निर्णय गरेको छ ।

गाउँपालिकाले पुस २९ देखि माघ २ गतेसम्म तीन दिन बिदा दिने निर्णय गरेको हो । गाउँपालिकाका अध्यक्ष लाजुराम चौधरीले  माघ थारु समुदायको सबैभन्दा ठूलो पर्व हो भने । यसै गरी  सो गाउँपालिकाको हिउँदे अधिवेशन पनि आजदेखि सुरु भएको छ ।  अध्यक्ष लाजुराम चौधरीले अधिवेशन उदघाटन गरेको प्रवक्ता कमलप्रसाद चौधरीले जानकारी दिए ।

हिउँदे अधिवेशन उदघाटनमा उपाध्यक्ष लक्ष्मी सत्गौवा, गाउँसभाका सदस्यहरु, गाउँपालिकाका प्रमुख प्रशासकीय अधिकृत खगेन्द्रराज जोशीसहित कर्मचारीको उपस्थिति रहेको थियो । गाउँसभाको अर्को बैठक माघ १६ गते बोलाइएको बताईएको छ ।