निराजन परियार , धनगढी । कैलालीमा विकास र सामाजिक परिवर्तनको लागि संचार एफएमडिसी द्धारा सञ्चालित पारस्परिक जवाफदेहिता परियोजनाले जुम क्लाउड एप्लीकेशन मार्फत अनलाइन बैठक गरेको छ ।

जिल्लाका नागरीक समाज,स्थानीय सभा रेडियो श्रोता समुह, पत्रकार,जनप्रतिनिधि, सामुदायिक सञ्चारकर्मी बिच जुम क्लाउड एप्लीकेशन मार्फत बिहिबार अनलाइन बैठक गरेको हो ।

कोरोना भाईरसले पारेको प्रभाब, यस बिचमा पालिकाले गरेका काम, योजना तर्जुका चरणहरु, साझा मञ्च र रेडियो श्रोता समुहले कसरी काम गरीरहेका छन भन्ने बिषय बस्तुमा छलफल भएको थियो ।

अनलाइन बैठकको सहजीकरण विकास र सामाजिक परिवर्तनको लागि संचार एफएमडिसी द्धारा सञ्चालित पारस्परिक जवाफदेहिता परियोजनाका कार्यक्रम संयोजक ओम जोशीले गर्नु भएको थियो ।

एमडिसीका संस्थापक अध्यक्ष तथा कार्यकारी निर्देशक उमीद बागचन्दले कोरोना नियन्त्रणका लागि आफ्नो ठाउँमा सबै नागरिकहरु सजक भएर सचेताना फैलाउनुपर्ने बताए । उनले यस सक्रमणको बेलामा एफएमडिसीले बिभिन्न चरणमा सरोकारवाला निकाय संग भिडियो कन्फेन्स बैठक गर्दै आएको उल्लेख गरे ।

वडा नम्बर ९ का वडा अध्यक्ष हरि प्रसाद तिवारीले भारत बाट आउने क्रम नरोकिएको व्यवस्थापन गर्न निकै समस्या भएको बताए ।

जसो तसो भए पनि भारत बाट आउनेहरुलाई विद्यालयमा बनाएको क्वारेन्टाईनमा राख्ने व्यवस्था गरेको समेत बताए ।

नगरपालिका अहिले कोरोनाको नियन्त्रण, व्यवस्थापनमा लागेको हुदा योजना तर्जुका कामहरु गर्न नसकिएको वडा अध्यक्ष हरि प्रसाद तिवारीले बताए । स्थानिय सभा वडा नम्बर ९ का संयोजक लिलाधर न्युरेले भने यो बिषम परिस्थितिमा आफुहरुले वडालाई बिभिन्न तरीकाले सहयोग गरीरहेको बताए ।

पछिल्लो समय कोरोनाको जोखीम बढीरहेको हुदा त्यसलाई न्युनिकरणको लागी आफुहरुले वडा सगँ समन्वय गरेर काम गरीरहेको उनले बताए ।

त्यसै मसुरीया रेडियो श्रोता समुह र महादेव रेडियो श्रोता समुह सहजकर्ताहरुले पनि कोरोना बिरुद्धको लडाईमा आफुहरुले काम गरीरहेको बताएका थिए ।

क्वारेन्टाईन निमार्ण गर्ने, बसेकाहरुलाई खाना खुवाउने, भारत बाट आएकारुलाई सुरक्षित सात क्वारेन्टाईनमा राख्ने काम गरीरहेको सहजकर्ताको भनाई थियो ।

विश्वभर महामारीका रुपमा फैलिएको कोरोना भाइरसको जोखिमबाट बच्न अपनाउनु पर्ने सावधानी र योजना तर्जुको बिषयमा लगायत बिभिन्न बिषयमा छलफल भएको थियो ।

अनलाइन बैठकमा विकास र सामाजिक परिवर्तनको लागि संचार एफएमडिसी संस्थाका अध्यक्ष उमिद बागचन्द, पारस्परिक जवाफदेहिता परियोजनाका कार्यक्रम संयोजक ओम जोशी, वडा नम्बर ९ का वडा अध्यक्ष हरि प्रसाद तिवारी, वडा नम्बर ९ का स्थानिय सभाका संयोजक लिलाधर न्युरे, साझेदरी मञ्चका सह संयोजक पवन बोगटी, पत्रकार धनश्याम पौडेल,महादेव रेडियो श्रोता समुहका सहजकर्ता प्रेम जोशी, मसुरीया रेडियो श्रोता समुहका सदस्य प्रेम चौधरी, सामुदायिक सञ्चारकर्मी वीरेन्द्र शाह, एफएमडिसी अभियान अधिकारी निराजन परियार लगायतको उपस्थिति रहेको थियो ।