तनहुँ, घिरिङ्ग । कोरोना भाइरस अर्थात ९कोभिड १९० नियन्त्रणका लागि बिश्वब्यापी रुपमा लकडाउन गरिए सँगै नेपालमा पनि देशब्यापी रुपमा लकडाउन गरिएको छ।

दिनभरि ज्याला मजदुर गरि जिबिकोपार्जन गर्ने गरिब निमुखा जनता लकडाउन को कारण प्रत्येक्ष प्रभावित भएका छन। हालको जटिल अबस्थालाई मध्यनजर गर्दै परियार युवा राष्ट्रिय तथा अन्तर्राष्ट्रिय अभियानले तनहुँ जिल्लाको घिरिङ्ग गाउँपालिका वडा नं ३ को अर्चलकोट र मान्पुर टोलका २१ घर ज्याला मजदुरि एबम बिपन्न परिवारहरु लाई बुधबार राहत वितरण गरेको हो। राहतमा चामल,नुन,तेल, दाल र सोयाबिन बितरण गरिएको थियो।

उक्त अभियानमा आवद्ध अभियान्ताहरुले व्यक्तिगत रकम संकलन गरेर उक्त गाउँका विपन्न परिवारहरुलाई राहत वितरण गरेको परियार युवा राष्ट्रिय तथा अन्तर्राष्ट्रिय अभियानका महासचिव अन्जान परियारले जानकारी दिए ।

अभियानमा बिदेश संयोजक बिमल परियार र राष्ट्रिय संयोजक केशब परियार रहेका छन। अभियानले पहिलो चरणको राहत बितरण दाङ्गमा र दोस्रो चरणको राहत तनहुँमा गरेको छ लकडाउन बढ्दै गय अन्य ठाउँमा पनि सहयोग गर्ने जनाएको छ।

उनले भने देशमा लकडाउनकै समयमा धेरै जातिय भेदभावका घटनाहरु घटिरहेको देख्दा दुख लागेको छ यद्यपि आफुले राहत बितरण गर्दा कुनैपनि जात र धर्म नभनी मात्र समस्या हेरि समाधान गरेको बताए।

गाउँपालिकाले दिएको पहिलो चरणको राहत सकिए पछि फेरि राहतको आशामा बसिरहेको बेला राहत पाउँदा स्थानिय हरुले खुसी महसुस गरेका छन।