अन्जान परियार, तनहुँ । समाजसेवी मानकुमारिले लकडाउनको समयमा खानाको अभाव भएकालाई खाद्यन्न सहयोग गर्नुभएको छ ।

बिश्वभर माहामारिको रुपमा फैलिएको नोबेल कोरोना भाइरस को प्रभाव नेपालमा पनि परेको छ। नेपाल सरकारले चैत्र ११ गते देखि लकडाउन गरेर सबैलाई सुरक्षित हुनु पर्ने आदेश दिए पछि आज सम्म आइपुग्दा दिनहुँ ज्याला मजदुर गरेर खाने हरु भोकै बस्नु पर्ने अबस्था सृजना भएको छ।

जस अनुरुप तनहुँको घिरिङ्ग घर भई हाल काठमाडौँ नयाँ बजार बस्दै आएका खिम परियार भोकमरीको चपेटामा परेका छन।
काठमाडौं को नयाँ बजारमा बिगत एक बर्ष देखि मजदुरी गरि परिवार धान्दै आएका परियार लाई देशमा लगडाउन हुँदैछ भन्ने कुराको कुनै अत्तोपत्तो थिएन।

यि गरिब अनि सोझा परियारले कुनै कुराको जोहो गर्नै पाएनन् र अचानक लगडाउन भए पछि २ बच्चा र १ श्रिमति गरेर ४ जनाको परिवार मा चुलो बोल्न छाडेपछि उनि धेरै पिडामा छट्पटिँदै परिवार युवा राष्ट्रिय अभियानका उपाध्यक्ष अर्पण घले परियार लाई सम्झिन पुगे।

घले प्रवास बाट निकै सहयोग र समाज सेवामा तत्पर रहने अभियान्ता हुन। तर आफू प्रदेश मा क्वारेन्टाइनमा बस्दै आएको, बाहिर जान पनि नसक्ने अबस्था भएको ले उनले नेपाल स्थित परियार युवा राष्ट्रिय अभियानका सचिब अन्जान परियार लाई जानकारी गराएका थिए ।

यो पिडामा मन सम्हाल्न सकिन भन्दै यसै अभियानकी सल्लाहकार एबम परियार सेवा समाज काठमाडौँकी सचिब मान कुमारी परियारले सहयोग स्वरुप एक बोरा चामल,नुन,तेल,दाल,चिनी र चियापत्ती दिएकी छन।

उनले विभिन्न ठाउँमा सहयोग गर्दै आइरहेकी छन। उनी आफू स्वयम् लकडाउनको समस्या खेपिरहेको अबस्थामा यस्ता समस्या सुनिसकेपछि शान्त भएर बस्न नसकेको बताइन। यो आपतकालीन अबस्थामामा मैले आफ्नै घरको सदस्य महसुस गर्दै ब्यक्तिगत सहयोग गरेकी हुँ , लकडाउनको कारण ब्यक्तिगत सहयोग गर्न पनि निकै असहज भएको अबस्थामा पीडा सुनिसके पछि पिडित परिवारलाई सहयोग गर्ने अठोट गरेको हुँ।
सेवा नै धर्म हो भन्ने भनाईमा बिश्वास राखेकी मानकुमारिले पिडित परिवार लाई साच्चिकै खुसि ल्याउन सफल भएकी छ्न।

उहाँले ले ठुलो सहयोग गर्नु भएको छ यस्तो बिपतको बेलामा उहाँले लगाउनु भएको गुण जिन्दगी भरी नबिर्सने निज खिम परियारले खुसि हुँदै ब्यक्त गरे ।

यस्तो माहान काम गरेर ठुलो पुन्य कमाउन सफल समाजसेवी मानकुमारी परियार लाई परियार युवा राष्ट्रिय अभियानका अध्यक्ष केशब परियारले धन्यवाद ब्यक्त गरेका छन । साथै यस सेवामा महत्त्वपूर्ण भुमिका निर्बाह गर्ने प्रबासमा रहने यसै अभियानका उपाध्यक्ष अर्पण घले परियार लाई पनि धन्यवाद ब्यक्त गरेका छन।