धनगढी १८ फागुन । सुदूरपश्चिम प्रदेशको राजधानी धनगढीमा नागरिक समाजको वर्तमान अवस्था र भुमिका बिषयक छलफल कार्यक्रम सम्पन्न भएको छ ।

कार्यक्रममा सहभागिहरुले नागरिकका जन चासोका सवालहरु ओझेलमा पर्दै गएको भन्दै चिन्ता व्यक्त गरेका थिए ।
नागरिक समाजको वर्तमान अवस्था र भुमिका बिषयक कार्यक्रममा सिएसो च्याम्पीयन डा.जानकी तुलाधरले अवधारण पत्र प्रस्तुत गर्नुभएको थियो भने एफएमडिसीका कार्यक्रम संयोजक ओम जोशीले वर्तमान अवस्थाको बारेमा प्रस्तुतीकरण गर्नुभएको थियो ।

एफएमडिसीले पारस्पारिक जवाफदेहिता परियोजना अन्तर्गत आयोजना गरेको कार्यक्रमा एफएमडिसीका संस्थापक अध्यक्ष तथा वरिष्ठ पत्रकार उमीद बागचन्दले नागरिक समाज जिम्मेवार बन्नुपर्ने बताए ।

उनले आम सरोकारका बिषयमा नागरिक समाज एक ठाउँमा आउनुपर्ने धारणा व्यक्त गरे । कार्यक्रममा एफएमडिसीले पैरवी गर्दै आएको सामुदायिक बिद्यालयहरुमा सामाजिक परिक्षण नगरेको र सुचना अधिकारी नतोकेको, सामुदायिक बिद्यालयहरुमा दलित समुदायको प्रतिनीधित्व हुने गरि शिक्षक व्यवस्थापन गर्न नितीगत व्यवस्था र सिकलसेल एनिमिया बिरामीहरुका लागि बनाईएको नितीलाई सुधार गरि जुनसुकै सरकारी अस्पतालबाट आजिवन निशुल्क उपचारको व्यवस्थाका लागि पैरवी गर्ने सवालका बारेमा पनि जानकारी गराएको थियो ।

त्यस्तै जिल्ला बार कैलालीका अध्यक्ष शिब केसीले नागरिक समाजलाई सरकारले हेर्ने दृष्टिकोण फराकिलो हुनुपर्ने बताए ।
त्यस्तै नागरिक समाजका प्रेम ढुंगानाले नागरिक समाज लोकतन्त्रको प्रतिपक्ष भएको उल्लेख गर्दै सरकारले नागरिक समाज संग छलफल गर्ने बतावरण नबनाएको गुनासो गर्नुभयो ।

महिला अधिकारकर्मी चित्रा पनेरुले नागरिक समाज बलियो रुपमा उभिन सक्नुपर्ने धारण व्यक्त गर्नुभयो ।
जनप्रतिनीधी रत्ना बिष्टले सरकार नागरिक समाज संग संगै मिलेर जान तयार भएको उल्लेख गर्दै नागरीक समाज जागरुक हुनुपर्ने बताए ।
एफएमडिसीका संस्थापक अध्यक्ष तथा कार्यकारी निर्देशक उमीद बागचन्दको अध्यक्षतामा भएको कार्यक्रमको स्वागत मन्तव्य सिएसो च्याम्पीयन ईश्वर उपाध्यायले राख्नुभएको थियो भने कार्यक्रमको सञ्चालन एफएमडिसिका अभियान अधिकारी निराजन परियारले गर्नुभएको थियो ।

कार्यक्रममा जनप्रतिनीधीहरु, नागरिक समाजका प्रमुख तथा प्रतिनीधीहरु,पत्रकार लगाएत सरोकारवालाहरुको सहभागिता रहेको थियो ।