धनगढी,२७ असोज । धनगढी उपमहानगरपालीकाका प्रमुख नृपबहादुर वडले सहकारी संस्थाहरु नै समृद्धीको आधार भएको बताएका छन् ।

कैलालीको धनगढी उप महानगरपालीका ७ मा रहेको नवज्वती सहकारी संस्थाको १० औं बार्षिक साधारणसभाको उद्घाटन गर्दै नगरप्रमुख वडले यसका लागि सहकारीमा सबैंको पहुँच बृद्धी गर्नु आवश्यक रहेको बताए । उनले भने,ठूला बैंकहरुमा सबै नागरिकको पहुँच हुदैन त्यसको बिकल्पको रुपमा पनि सहकारी संस्थाहरु रहेका छन् । सहकारीहरुले ब्यावसायीक कृषी क्षेत्रमा लगानी लगाउनुपर्ने पनि नगरप्रमुख वडले बताए । उनले भने, जे गरेर जनताको जिवनस्तर माथी उठ्न सक्छ त्यसमा लगानी केन्द्रित हुनु आवश्यक छ । नगरप्रमुख वडले शेर सदस्यहरुमा बचत गर्ने बानीको विकास गर्नका लागि सहकारी शिक्षा आवश्यक भएको बताए ।

नवज्वती सहकारी संस्थाका अध्यक्ष सिताराम रानाले हरेक शेर सदस्यको पैशाको सुरक्षा गर्ने जिम्मेवारी आफुहरुको हुने बताए । उनले भने,छोटो समयमै राम्रो सफलता पाएका छौं यो सबै शेर सदस्यहरुको सहयोगबाट सम्भव भएको हो ।

जिल्ला सहकारी संघ कैलालीका अध्यक्ष बिश्व प्रकास पौडेलले अहिले सहकारी सम्वन्धी नयाँ ऐन आईसकेकाले यसका बारेमा सबैले जानकारी राख्नुपर्ने बताए । नेपाली कांग्रेस धनगढी उपमहानगरपालीका ७ का सभापती देवबहादुर सेठीले नवज्वती सहकारी संस्थालाई ब्यबस्थीत बनाउदै लैजाने बताए । उनले भने,एउटा घरको छतमा बसेर केहि ब्यक्तिले संचालनमा ल्याएको सहकारी अहिले ब्यापक भएको छ । एक बर्ष भित्रै आफ्नै संरचना बनाउने छौं ।

त्यसैगरी धनगढी उपमहानगरपालीकाका प्रमुख नृपबहादुर वडले धनगढीमा रहेको सूर्मासाईपाल बचत तथा ऋण सहकारी संस्थामा समेत शुभकामना मन्तब्य दिएका छन् ।