निराजन परियार ।  नेपाली गित संगितको क्षेत्रमा गायक सुरज थापाको व्यस्तता निकै बढ्न थालेको छ ।
बिशेष गरेर देश बिदेशका बिभिन्न कन्र्सटहरुमा सुरज थापाको माग बढ्न थालेको हो । पछिल्लो समयमा गित संगित र गायनलाई आफनो करियर बनाएर साँगितिक सुरलाई अगाडी बढाएका छन् ।

जब पहिलो नेपाल आइडलमा सुरज थापाको आम दर्शकले प्रस्तुति हेरेपछि उनको उचाई झन् चुलिएको हो ।
नेपाल आइडलमा टप ६ मा पुगेका थापाका बहुला हुँ म बहुला,ओ प्रिया, तिमी बिना र गोरी लगाएतका गितहरु बजारमा रहेका छन् । हिन्दी गितमा समेत आफ्नो आवाज दिईसकेका थापाले यसको श्रेय आम दर्शक र स्रोताको भएको बताए ।

पहिले पनि हरेक कार्यक्रममा आफ्नो उत्कृष्ट प्रस्तुति दिदै आएका गायक थापा भन्छन् नेपाल आइडलले मेरो परिचय फराकिलो बनाएको हो ।’
दशैमा नयाँ गित बजारमा ल्याउने तयारी समेत भएको गायक थापाले बताए । गायक सुरज थापाले आम दर्शक र स्रोताका मायाले गित संगितमा अझै जिम्मेवारी थपिएको बताए ।

नेपाल आइडल भन्दा अगाडी पनि जस्तै तिम्रो सुर मेरो गीत, बागिना, नेपाल स्टार, नेपाली तारा गर्दै ईण्डियन आइडल को तेस्रो राउन्ड सम्म पनि पुगका थिए ।

दैलेख जिल्लामा २०४३ सालमा जन्मिएका थापा घरको माहिला छोराका हुन् । उनी सानै देखी संगीतमा बिशेष रुची राख्दथे।
कलाकारिता क्षेत्रमा लाग्दा जिवनमा धेरै संर्घष गरेको बताउदै थापाले आज सबैको मायाले यो ठाउँ सम्म पुगेको बताए ।