भैरहवाको पर्यटकिय विकासको सम्भावनाको खोजीका लागि सँघिय विकास कार्यक्रम युएनडिपीको सहयोगमा विभिन्न क्षेत्रका सरोकारवालाहरुको सहभागितामा पहिलो पटक एक खुला छलफल कार्यक्रमको आयोजना गरियो ।

सुदुरपश्चिम प्रदेशको धनगढी उपमहानगरपालिका र अन्य विभिन्न नगरपालिकाको शिकाईलाई शेयरिङ गर्दै गौतम वुद्धको जन्मभुमिको पर्यटकिय विकास गर्न गरिएको खुला छलफल अघि युएनडिपी सुदुरपश्चिम प्रदेशका सँयोजक सतिस पाण्डेयले Asset Based Development Planing का सम्बन्धमा एक प्रस्तुति गर्नु भएको थियो ।

प्रदेश सरकारको उद्योग‚ पर्यटन‚ बन तथा वातावरण मन्त्रालयका अधिकृत रुद्रप्रसाद ज्ञावलीले प्रदेश सरकारको पर्यटन मन्त्रालयले गरेको काम सम्भावनाका बारे प्रस्तुती गरेका थिए । अधिकृत ज्ञावलीले भैरहवाको पर्यटकिय विकासको सम्भावनालाई साकार बनाउन नागरिक स्तरबाट गरिने प्रयासहरुको निक्कै महत्वपुर्ण हुने कुरामाजोड दिए ।

गौतम बुद्ध अन्तर्राष्ट्रिय विमान स्थल निर्माण आयोजनाका प्रमुख प्रवेश अधिकारीले चाइनिस निर्माण कम्पनिले बनाउन लागि रहेको गौतम बुद्ध अन्तर्राष्ट्रिय विमान स्थलको निर्माण १५ प्रतिशत काम पुरा भएपछि डेक्का पुरा हुने र निक्कै ठुलो जनशक्तिले रोजगाउन सक्ने सम्भावना रहेको बताएका छन ।

भैरहवाका विभिन्न क्षेत्रका व्यक्तिहरुको सहभागिता रहेको कार्यक्रममा सहभागिहरुले अपेक्षाकृत रुपमा नगरपालिकाको विकास गर्न नसकेको र पर्यटकिय विकासले सहिरुपमा भैरहवालाई छुन नसकेको गुनासो समेत गरेका छन । कार्यक्रममा सहभागी शिद्धार्थ नगरपालिकाकी उपप्रमुख उमा काफ्लेले सहभागिहरुले उठाएका कुराको जवाफ दिदै धेरै कुरा गर्न नसकेपनि केही न केही अवस्य गरेको छ‚ भनिन । शिद्धार्थ नगरपालिकाकी प्रमुख हरी अधिकारीले सबैलाई सकारात्मक सोचका साथ नगरपालिकालाई सुझाव दिन आग्रह गरे । प्रमुख अधिकारीले नगरको सरसफाईका लागि नगरपालिकाको मात्र जिम्मेवारी नभएर नगरबासीको पनि त्यत्तिकै जिम्मेवारी भएकोले सबैलाई सघाउन आग्रह गरे । युएनडिपीको सहयोग र बास भैरहवाको पहलमा पहिलो पटक भैरहवाको पर्यटकिय विकासका लागि गरिएको कार्यक्रमको सहजीकरण बरिष्ठ पत्रकार उमीद बागचन्दले गरेका थिए ।