डडेल्धुरा, ७ फागुन । सुदूरपश्चिममा रहेको पश्चिम सेती परियोजनाको निर्माण कार्य वर्तमान सरकारले चाँडै संचालन गर्ने प्रधानमन्त्री केपी शर्मा ओलीले बताएका छन् ।

लामो समयदेखि अन्यौलमा रहेको देशकै महत्व बोकेको पश्चिम सेती परियोजना आफ्नै नेतृत्वको सरकारले शुभारम्भ गरी सुदूरश्चिम प्रदेश र देशलाई नै जलविद्युतमा निर्भर बनाउने सरकारको योजना रहेको समेत प्रधानमन्त्री ओलीले बताए ।

मंगलबार डडेल्धुरामा रहेको स्याउले १३२र३३र११ केभी सवस्टेशनको उद्घाटन गर्न डडेल्धुरा पुगेका प्रधानमन्त्री ओलीले भने, ‘सरकारले पश्चिम सेतीबाट उत्पादित विद्युतका साथै यस क्षेत्रका अन्य आयोजनाबाट उत्पादन गरिएको विद्युत स्याउले सव स्टेशनले नियन्त्रण तथा वितरण गर्ने क्षमता रहेको छ ।’

स्याउलेमा स्थापना भएको विद्युत सव स्टेशन पहिलो पटक आफू प्रधानमन्त्री हुदाँ कामको शुरुवात गराएको र दोश्रो पटक प्रधानमन्त्री हुँदा सम्पन्न भएको तथा यस कामले सुदूरपश्चिमको विद्युत आपूर्तिमा निकै ठूलो महत्व बोकेको समेत ओलीले बताए ।

वर्तमान सरकार जनताको सरकार भएकोले यसले हरेक जिल्ला, हरेक प्रदेश तथा स्थानीय तहको विकास गरी बेरोजगारी र गरिबी अत्य, भ्रष्टचार नियन्त्रण गर्दै सुशासन स्थापित गर्ने तर्फ केन्द्रित रहेको प्रधानमन्त्रीले ओलीले बताए ।

उनले भने, ‘संविधान निर्माण भयो तर, काम गर्नका लागी आवश्यक कानुन नभएको र अहिले एक वर्षको बिचमा मौलिक हक कार्यान्वयनका लागि संविधानलाई नचिन्ने कानुनहरु संशोधन र संविधान कार्यान्वयका लागि आवश्यक पर्ने कानुनहरु निर्माण भएका छन् ।’

वर्तमान सरकार सुशासन निर्माण गरि विकास निर्माणमा तीव्र गतिमा लागिरहेको समयमा केही व्यक्तिहरु आत्तिएको भन्दै प्रधानमन्त्री ओलीले विकास निर्माण देखेर आत्तिन होइन खुसी हुन आग्रह गरे ।
दैनिक नेपालबाट साभार