धनगढी ५फागुन । शरद भेषावकरको टोली महेन्द्रनगर यूनाइटेडले रुस्लान धनगढी प्रिमियर लिगमा पहिलो जित हात पार्दै झिनो प्लेअफ सम्भावना कायमै राखेको छ।

महेन्द्रनगरले आइतबार सम्पन्न खेलमा सिवाइसी अत्तरियालाई ७ विकेटले पराजित गर्दै प्ले अफ सम्भावना जीवितै राखेको हो।

महेन्द्रनगर यूनाइटेडले विदेशी खेलाडीद्धय सुब्रमन्यम आनन्द र मोहम्मद नाभिदलाई ओपनिङमा उतारेको थियो। अत्तरियाबाट समेत उसका विदेशी खेलाडी सन्नी पटेल पहिलो ओभर लिएर आए।

सन्नी पटेलको पहिलो बलमा नै आनन्दले चौका प्रहार गर्दै इनिङको सुरुवात गरे। यस्तै अन्तिम बलमा नाभिदले छक्का प्रहार गर्दै पहिलो ओभरमा महेन्द्रनगरका लागि १३ रन जोडे।

भुवन कार्कीको दोस्रो ओभरमा अत्तरियाले पहिलो सफलता हात पार्यो। चौथो बलमा भुवनले नाभिद९६०लाई जयकिशन कोल्सावालाको हातबाट स्टपिङ गराए। अन्तिम बलमा आनन्दले छक्का प्रहार गर्दै सो ओभरमा टोलीका लागि ८ रन बटुले।

अत्तरियाले तेस्रो ओभर दीपेन्द्र रावतको हातमा थमायो। दीपेन्द्रको दोस्रो बलमा शरदले चौका प्रहार गरे। चौथो बलमा छक्का प्रहार गर्ने क्रममा शरद९५० सन्नी पटेलबाट समातिए। अन्तिम बलमा आनन्दले चौका प्रहार गर्दै सो ओभरबाट टोलीलाई १० रन दिलाए।

चौथो ओभरमा आएका भुवन कार्कीको दोस्रो बलमा आनन्द ९१७० सन्दीप जोराबाट समातिए। चौथो बलमा भने आरिफ सेखले मिडविकेटमा छक्का प्रहार गरे। सो ओभरमा ११ रन जोडेपछि अन्तिम दुई ओभरमा महेन्द्रनगरलाई जितका लागि १२ बलमा १३ रनको आवश्यकता पारेको थियो।

पाँचौ ओभर लिएर सिवाइसी अत्तरियाका कप्तान दीपेन्द्रसिंह ऐरी आफै बलिङमा आएका थिए। चौथो बलमा आरिफ सेखको चौका सहित महेन्द्रनगरले उक्त ओभरमा ११ रन जोड्यो।

अन्तिम ओभरमा २ रन आवश्यक रहँदा सन्नी पटेलको चौथो बलमा चौका प्रहार गर्दै आरिफ सेखले महेन्द्रनगरलाई पहिलो जित दिलाएका थिए।

ओसिलो मैदानका कारण ढिलो गरी खेल सुरु भएपछि खेल ६–६ ओभरमा छोट्याइएको थियो। टस जितेर ब्याटिङ गरेको सिवाइसी अत्तरियाले ६ ओभरमा ५ विकेट गुमाएर ५४ रन जोड्यो।

अत्तरियाका सन्नी पटेलले १९, जयकिशन कोल्सावाला र दीपेन्द्रसिंह ऐरीले १०–१० रन जोडे। यस्तै सन्दीप जोरा, भुवन कार्की र रित गौतमले ४–४ रन जोडे।

अत्तरियाले आफ्नो विदेशी खेलाडीहरुबाट इनिङ्सको सुरुवात गरेको थियो। मेहेन्द्रनगरका लागि पहिलो ओभरमा यूएईका कप्तान समेत रहेका मोहम्मद नाभिद आएका थिए।

दोस्रो बलमा सन्नी पटेलको छक्कासहित पहिलो ओभरमा अत्तरियाले ११ रन जोड्यो। अभिनाश बोहराको दोस्रो ओभरमा पनि जयकिशन कोल्सावालाले एक छक्का प्रहार गरे। सो ओभरमा पनि अत्तरियाले ११ रननै जोड्न सक्यो।

तेस्रो ओभरमा भने महेन्द्रनगरले दुवै ओपनरलाई पवेलियन फर्काउँदै पुनरागमन गर्यो। सागर ढकाललाई तेस्रो बलमा सन्नी पटेलले छक्का प्रहार गरेका थिए। तर, चौथो र पाँचौ बलमा उनले लगातार सन्नी र जयकिशनको विकेट लिए।

चौथो ओभरमा भर्खरै क्रिजमा आएका दीपेन्द्रसिंह ऐरी र सन्दीप जोराले ५ रनमात्रै जोड्न सके। पाँचौ ओभरमा अभिनाश बोहराले महेन्द्रनगरका लागि दुई विकेट लिए।

पहिलो बलमा नै उनले सन्दीप जोरालाई तथा तेस्रो बलमा कमलसिंह ऐरीलाई पहिलो बललाई शुन्य रनमानै पवेलियन फर्काइ दिएका थिए।

अन्तिम ओभरमा लिएर महेन्द्रनगरका कप्तान शरद भेषावकर स्वयम बलिङमा आएका थिए। शरदले पहिलो बल वाइड फाले। दोस्रो बलमा दीपेन्द्रले दुई रन लिए भने तेस्रो बलमा मिडविकेटमा लामो छक्का प्रहार गर्ने क्रममा उनी कुशल मल्लको हातबाट क्याच भए।

चौथो र पाँचौ बलमा एक रन लिएको अत्तरियाका लागि अन्तिम बलमा रित गौतमले चौका प्रहार गरेका थिए।

महेन्द्रनगरका लागि अविनाश बोहरा र सागर ढकालले २(२ तथा शरद भेषावकरले १ विकेट लिए।