डीबी विष्ट फागुन ५ बझाङ । जीपको ठक्कर बाट मृत्यु भएका बालकको शब पोष्टमाटमका लागि जिल्ला अस्पताल ल्याईएको छ ।

शुक्रबार बेलुका सदरमुकाम चैनपुर बाट तल्कोट गाँउपालिका जाँदै गरेको से १ ज ६६४० नम्बरको जीपको ठक्टर बाट तल्कोट गाँउपालिका वडा नम्बर २ का किथ्थु कुवरका छोरा दश बर्षिया महेश कुवरको मृत्यु भएको हो ।

मृतक बालकको सब पोष्टमाटमका लागि जिल्ला अस्पताल सिमखेतमा राखीएको जिल्ला प्रहरी कार्यलयले जनाएको छ । जीप चालक नरेश बोहरा भने फरार रहेको र उनको खोजी कार्य भई रहेको प्रहरीको भनाई छ ।

मृतक बालक बालविकास माविमा कक्षा ३ मा अध्यनरत रहेको रहेको तल्कोट गाँउपालिका वडा नम्बर २ का वडा अध्यक्ष अक्कल बहादुर कुवरले बताए । मृतक बालक वडा अध्यक्ष अक्कल बहादुर कुवर जेठा दाईका साईला छोरा हुन् ।