धनगढी । धनगढी प्रिमियर लिग डिपिएलमा घरेलु टोली धनगढी स्टार्स लगातार दोश्रो खेलमा पराजित भएको छ।

प्रतियोगिताको दोश्रो दिनमा पहिलो खेलमा धनगढीलाई सिवाईसी अत्तरियाले ५ रनले पराजित गरेको हो। ९६ रनको विजयी लक्ष्य सहित मैदान उत्रिएको धनगढीले २० ओभरमा ९ विकेटको क्षतीमा ९० रन मात्रै बनाउन सक्यो। उस्का लागि राजु रिजालले अविजित रहँदै २६ रन बनाएपनि आफ्नो टिमलाई जिताउन सकेनन्। यस्तै रोहन मुस्ताफाले १८ र कप्तान सोमपाल कामीले १० रन बनाए।

अत्तरियालाई जिताउने क्रममा भुवन कार्कीले ४ विकेट लिए। यसअघि टस जितेर व्याटिङ गरेको अत्तरियाले निर्धारित २० ओभरमा ५ विकेट गुमाउँदै ९५ रन बनाएको थियो। उस्का लागि सन्नी पटेलले अविजित ३५ रन बनाए।

बलिङमा धनगढीका रोहन मुस्ताफाले २ विकेट लिए।