काठमाडौं ७ असोज । पार्टीका अध्यक्ष लगायत पदाधिकारी र सदस्य कमरेडहरु,
अध्यक्ष कमरेडको सम्बोधन हामीले सुन्यौँ। भाषा, प्रस्तुति र विषयवस्तुका हिसाबले सम्बोधन राम्रो छ। तर, अझ प्रभावकारी बनाउनुपर्ने केही महत्वपूर्ण विषयहरू छन् भन्ने मलाई लाग्छ। ती विषयलाई आलोचना होइन, आत्मसमीक्षा र सुधारको भावनाबाट हेर्नुपर्छ।

मिलाउनुपर्ने पहिलाे कुरा के हो भने युग फेरियो, जुगजमाना फेरियो, समाजको मनोविज्ञान फेरियो, सबै थोक फेरियो तर हामी आफू नफेरिने भन्ने खालको संवाेधनमा छ । याे साेचले हामीलाई गनतव्यमा पुर्याउदैन याे कुरा मिलाउनु पर्छ ।

दाेस्राे कुरा हाम्रो पार्टी आम चुनावमा पराजित भएकाे भनेर मात्र पुग्दैन । चुनावमा हारजितलाई हामी स्वाभाविक रुपमा लिन्छौं र लिनु पनि पर्छ । तर, पार्टी, चुनावी गणितमा मात्र होइन राजनीतिमा पनि पराजित भएको छ । चुनावमा हारियो भने फेरि जित्न सकिन्छ तर राजनीति हारियो भने उठ्न गाह्रो हुन्छ ।
त्यसैले निर्वाचन परिणामसँगै हाम्रो राजनीतिक कार्यशैली र जनसम्बन्धको विषयमा पनि गम्भीर समीक्षा गरौँ।
हामी कम्युनिष्टहरुले आफूलाई केन्द्रमा राख्ने होइन, देश, पार्टी र समाजलाई केन्द्रमा राख्नुपर्छ । म भन्ने होइन, हामी भन्नुपर्छ । कतै हाम्रो पार्टीमा ‘म’ वादको विष वृक्ष हुर्किएको त होइन ? यो कुरा विचार गरौं । यहाँ उपस्थित सम्पूर्ण कमरेडहरुले आफूलाई केन्द्रमा राखेर, म नै सर्वेसर्वा , अरुलाई रैती र दासको जस्तो व्यवहार गरिरहेका त छैनौं ? क- कसले गरेका छौं, आफूले आफैलाई सोधौं, आत्मचिन्तन गरौं ।

अध्यक्ष कमरेड
पार्टीको सचिवालय बैठकले निर्वाचन समीक्षा र पुनर्गठनका लागि कार्यदल बनाएको थियो। कार्यदलले प्रतिवेदनसमेत तयार गरेको कुरा हामीले सुनेका छौँ। त्यो प्रतिवेदन कमिटीमा ल्याएर खुला, तथ्यमा आधारित र सामूहिक छलफल गरौँ। यसले आम रुपमा हाम्राे पार्टी विधि, पद्धति, सामूहिकता र सहकार्यबाट अघि बढेकाे छ भन्ने सन्देश दिन्छ । कम्युनिष्ट पार्टी भित्र आलाेचना र आत्माआलाेचनालाई स्वभाविक रुपमा लिनु पर्ने हाेईन र ?
अब हाम्राे कार्यभार भनेकाे,
जनसम्वन्ध पुन: स्थापना आजकाे आवश्यकता हाे अब हाम्राे पार्टीले युवा, महिला,दलित, भुईमान्छे, आधारभुत तहकाे वर्ग, उद्यमी, किसान, पेशाकर्मी, विद्यार्थी र प्रविधिमैत्री युवासंग नयाँ सम्बन्ध निर्माण गरेर जान सक्ने, जनताको कुरा सुन्ने, जनतासँगै हिँड्ने र जनताको समस्याको बुझ्ने पार्टी बनाउनुपर्छ।
याे युगकाे माग हाे ।

हाम्राे पार्टीमा युवा नेतृत्व बढाउ, अहिले ३५-५० वर्ष मुनिका युवाले पार्टी र सरकार चलाई बसेका छन् अब उनीसंग प्रतिष्पर्धा गर्ने युवा हामीले तयार गर्न सकेनाै भने आगामी निर्वाचनमा हाम्राे पराजय धेरै पर छैन, सधै बासी कुराकाे बहस गरेर गन्तव्यमा पुगीदैन भन्ने मेराे ठहर छ !

अब सधै हाम्राे पार्टीमाथी षड्यन्त्र र प्रतिशाेध साधियाे भन्ने भाष्यले पार्टी बन्दैन, पार्टी बनाउँन पार्टी भित्रका नेता, कार्यकर्ताकाे मन मिलाउ, अल्पमतकाे कदर र बहुमतकाे निर्णय गरि सबैले Win- Win काे महशुस गर्न सक्ने पार्टी संगठन निर्माण गराैं ।
साथै
हाम्राे पार्टी व्यक्तिमुखी हाेईन – संस्थामुखी बनाउँ
यथास्थितमुखी हाेईन – रुपान्तरणमुखी बनाउँ
जनताबाट टाढीएकाे हाेईन जनतामाझ – फर्किएकाे एमाले बनाउँ
सतही कुराकाे बहस हाेईन पार्टी जनमैत्री बनाउँन गहिराईमा पुगेर बहस गराैं, याेजना बनाउँ, कार्यान्वयन गराैं र परिणामकाे समीक्षा गराैं ।
धन्यवाद !!!