दलितमाथि भएको अत्याचारप्रति गम्भीर ध्यानाकर्षण ! "न्यायका लागि आवाज उठाऔँ "
सुबसाहब हजारा रौतहट २६ फागुन । रौतहट जिल्लाको फतुवा विजयपुर नगरपालिका वडा नं. ५ सन्तपुरमा दलित समुदायमाथि भएको भनिएको अत्यन्त दुःखद र चिन्ताजनक घटनाबारे सामाजिक सञ्जालमार्फत जानकारी प्राप्त भएको छ।
मिति २०८२ फागुन १९ गते, दलित समुदायका केही व्यक्तिमाथि कुटपिट गरिएको तथा उनीहरूलाई गम्भीर रूपमा घाइते बनाइएको भन्ने पीडित पक्षको दाबी सार्वजनिक भएको छ। पीडित पक्षका अनुसार नरेश राम, सीता राम, ललन राम, बिरजा राम र राजकुमार राम लगायतलाई कुटपिट गरी घाइते बनाइएको बताइएको छ।
यस घटनामा भुनेश्वर यादव, पसिन्द्र यादव, नितेश यादव, जगु यादव (नगेन्द्र यादव), सुखारी यादव, गिरधारी यादव, नबिन कुमार यादव र जयप्रकाश यादव लगायतका व्यक्तिहरू संलग्न रहेको भन्ने आरोप सार्वजनिक भएको छ।
साथै, कुटपिट मात्र नभई दलित समुदायका चेलीबेटीको अस्मितामाथि समेत गम्भीर दुर्व्यवहार भएको भन्ने आरोप सामाजिक सञ्जालमार्फत बाहिर आएको छ।
घटनापछि उल्टै पीडित पक्षलाई नै नियन्त्रणमा लिएको र दोषी भनिएका व्यक्तिहरू हालसम्म पक्राउ नपरेको भन्ने गुनासो पनि सार्वजनिक भएको देखिन्छ। यस सन्दर्भमा नेपाल प्रहरी अन्तर्गतको इलाका प्रहरी कार्यालय विजयपुर को भूमिकाबारे पनि प्रश्न उठाइएको छ।
यो विषय अत्यन्त संवेदनशील भएकाले सम्बन्धित निकायले निष्पक्ष, पारदर्शी र गम्भीर छानबिन गरी सत्यतथ्य सार्वजनिक गर्नुपर्ने आवश्यकता छ।
यदि वास्तवमै दलित समुदायमाथि अन्याय र अत्याचार भएको हो भने दोषी जो–सुकै भए पनि कडा कानुनी कारबाही हुनुपर्छ र पीडितलाई न्याय दिलाइनुपर्छ।
नेपाल जस्तो लोकतान्त्रिक मुलुकमा जातीय विभेद, हिंसा र अन्याय कुनै पनि हालतमा स्वीकार्य हुन ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
संबन्धित समाचारहरु
तपाइँको प्रतिक्रिया