फुल्चोकी जंगलमा हराएका चार युवतीसहित १६ जनाको राती ८ बजे सकुशल उद्धार
काठमाण्डौ । ललितपुरको फूलचोकी जंगलमा हराएका चार युवतीसहित १६ जनालाई प्रहरीले गए राती सकुशल उद्धार गरेको छ।
काठमाडौंबाट शनिबार घुम्न गएका उनीहरु फूलचोकीबाट फर्कंदा जंगलमा वेपत्ता भएका थिए। हराएकाहरुले प्रहरीको टोल फ्रि नम्बर १०० मा फोन गरेपछि प्रहरी परिसर ललितपुर खोजीमा जुटेको थियो। गए राती आठ बजे उनीहरुलाई प्रहरीले फेला पारेको हो।
हराएकाहरुको उद्धारमा एक सय प्रहरीलाई सात टोली बनाएर जंगलमा परिचालन गरिएको थियो।
प्रहरी वरिष्ठ उपरीक्षक रबिन्द्रबहादुर धानुक, प्रहरी उपरीक्षक शेखर खनाल, प्रहरी नायव उपरीक्षक नारायण प्रसाद चिमरिया तथा महानगरीय प्रहरी वृत सातदोबाटो, महानगरीय प्रहरी प्रभाग बाडेगाउँको प्रहरी टोली उद्धारमा खटिएको थियो।
झन्डै तीन घण्टाको खोजीपछि राति ८ बजे उनीहरुलाई फेला पारिएको प्रहरी परिसर ललितपुरका प्रमुख रविन्द्रसिंह धानुकले जानकारी दिए।
उद्धार गरिएकाहहरुमा धनुषा घर भई हाल बानेश्वर शान्तिनगर बस्ने ३४ वर्षीय व्रिज मोहन साह, सोही ठाउँका १७ वर्षीय सुवास साह, १९ वर्षीय अभिशेक यादव, १९ वर्षकै ऋषिकुमार साह, धनुषा घर भई मैतिदेवि काठमाडौं बस्ने २० वर्षीय श्रीराम साह, सोही ठाउँका २० वर्षकै करण साह, धनुषा घर भई वानेश्वर बस्ने २० वर्षीय सुवास साह, स्याङजा घर भई हाल कोटेश्वर बस्ने २२ वर्षीया सपना गुरुङ, तनहुँ घर भई हाल बालाजु बस्ने २० वर्षीया श्रृजना भट्टराई, काठमाडौं बानेश्वरका २२ वर्षीय अविनभ सिंह ठकुरी, सिन्धुपाल्चोक घर भई हाल कोटेश्वर वस्ने २५ वर्षीय रोशन राना, दोलखा घर भई हाल कोटेश्वर बस्ने २२ वर्षीय रमेश पौडेल, मोरङ घर भई हाल कोटेश्वर बस्ने २२ वर्षीय संजोग घिमिरे, काठमाडौं बुढानिलकण्ठकी २० वर्षीया अप्सरा खत्री, नुवाकोट घर भई काठमाडौं कपन बस्ने २२ वर्षीया श्रेया थपलिया र धनुषा घर भई हाल पुरानो बानेश्वर बस्ने वर्ष १९ का सन्तोषकुमार साह छन्।
खोजि गर्दै जादाँ गोदावरी बसपार्कबाट करिब १० किलो मिटर पुर्व फुल्चोकी जंगलको बिच खोँचमा उनीहरु फेला परेका हुन्। उद्धारपछि प्रहरीले राती नै उनीहरुलाई अभिभावको जिम्मा लगाएको छ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया