इजरायलमा मारिएका चार विद्यार्थीको शव धनगढी ल्याइयो
इजरायलमा हमासको आक्रमणमा परेर निधन भएका चार विद्यार्थीको शव धनगढी ल्याइएको छ।
सुदूरपश्चिम विश्वविद्यालयको कृषि विज्ञान संकायमा अध्ययनरत रहेका ४९ विद्यार्थी पढाइसँगै कमाई कार्यक्रम अन्तरगत इजरायलमा पुगेका थिए।
इजारायलमा रहेका उनीहरू मध्ये हमासको आक्रमणमा परेर १० जनाको निधन भएको थियो। गत असोज २० गते शनिबार हमास समूहको आक्रमणमा निधन भएका १० मध्ये चार विद्यार्थीको शव (आइतबार) साँझ धनगढी पुर्याइएको हो।
फ्लाई दुबईको विमानमार्फत् बिहान काठमाडौं ल्याइएको विद्यार्थीहरूको शव बेलुकी धनगढी पुगेको हो।
धनगढी विमानस्थलका अनुसार शव नेपाली सेनाको हेलिकोप्टरमार्फत धनगढी ल्याइएको हो। चारवटै शवलाई आफन्तको जिम्मा लगाइसकेको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिए।
धनगढीबाट स्थानीय प्रशासनले परिवार घरसम्म शव पुर्याउने व्यवस्था गरेको हो।
दार्चुलाको मालिकार्जन गाउँपालिका–४ का लोकेन्द्रसिंह धामी, दार्चुलाकै लेकम गाउँपालिका–५ का दिपेशराज विष्ट, कैलाली घोडाघोडी नगरपालिका–४ का नारायणप्रसाद न्यौपाने र कैलाली जोशीपुरका आशिष चौधरीको शव आफन्तको जिम्मा लगाएको जिल्ला प्रशासन कार्यालय कैलालीले जनाएको छ।
न्यौपानेको शव गएराति ल्याइएको थियो भने धामी र विष्टको शव आइतबार बिहान र चौधरीको शव दिउँसो नेपाल ल्याइएको थियो।
सेताेपाटी पाेस्ट बाट
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
संबन्धित समाचारहरु
तपाइँको प्रतिक्रिया