चिनियाँ उच्च सैनिक टोली काठमाडौंमा
काठमाडौं । चीनबाट उच्च सैनिक तहको टोली काठमाडौं आइपुगेको छ। एयर चाइनाको ४३७ उडान नम्बरबाट चिनियाँ जनमुक्ति सेनाका तिब्बत मिलिट्री कमान्डर मेजर जनरल युइ एन दे (yue ande)नेतृत्वको टोली केहीबेर अगाडि त्रिभुवन अन्तरराष्ट्रिय विमानस्थलमा अवतरण गरेको हो।
मेजर युको नेतृत्वमा ८ सदस्यीय सैनिक टोली औपचारिक भ्रमणमा नेपालको आएको हो। उनीहरुलाई उपरथी सागरबहादुर थापा र सहायक रथी सुनिल श्रेष्ठले त्रिभुवन अन्तरराष्ट्रिय विमानस्थलमा स्वागत गरेका थिए।
नेपाली सेनाका सूचना अधिकारी एवम् सहायक रथी कृष्णप्रसाद भण्डारीका अनुसार औपचारिक भ्रमणमा आएको चिनियाँ सैनिक टोलीले प्रधानसेनापति प्रभुराम शर्मालगायतसँग भेटवार्ता गर्ने कार्यतालिका छ। भेटमा सीमा सुरक्षा, दुई देश बीचको सैन्य सम्बन्धलगायतका विषयमा छलफल हुनेछ।
अन्रपुर्ण पाेस्ट बाट
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया