सन् २०१९ को अन्त्यसँगै चीनमा एउटा नयाँ भाइरसको उदय भयो । वैज्ञानिकहरूले यसलाई कोरोना भाइरस (कोभिड १९) नामाकरण गरेका छन् । चीनबाट प्रारम्भ भएको यो विषाणु विश्व भरनै फैलिसकेको छ । यस भाइरसबाट संसारका कुनै पनि देश अछुतो रहन सकेका छैन र नेपाल पनि अछुत रहने सम्भावना रहेन । नेपालमा दिनहुँ संक्रमितको संङख्या बढ्दो क्रममा छ र केहिको मृत्यु पनि भैसकेको छ ।
कोरोना नियन्त्रणको अवस्थामा रहे पनी अहिले यो लेख लेख्ने समय सम्म देश पुर्ण रुपमा बन्दाबन्धीमा (लकडाउन) रहेको दुई महिना भैसकेको छ । लकडाउनले हाम्रो जिवनमाशैलीमा थुप्रै परिवर्तन ल्याएको छ । दैनिक तालिका देखी खानपानमा यसले प्रत्यक्ष असर पारेको छ । तुलनात्मक दृष्ठिकोणले हेर्दा गाउँ घर तिर भन्दा सहर बजारका मानिसहरु काम बिहिन र सामाजिक सम्पर्क बिहिन भएका छन । लकडाउनको यो दुइ महिना अवधिमा व्यस्त रहने सहरको सुनसान र दिनरात घर भित्रैको बासले एक बैशालु युवाको मनमा असंख्यीत भाव उब्जिनु स्वभाविक जस्तै लाग्छ र मेरा मनमा पनि उब्जिएका छन ।
लकडाउनले मेरा मनमा उब्जिएका कयौ भाव मध्यको एक अति सामन्य भाव, यदि कोरोना नियन्त्रणमा आए पछि के जिवन पहिलेको जस्तै सामान्य होला त ? मेरो दैनिकी पुर्ण पहिले जस्ता होलान तर लकडाउन भन्दा पहिले जस्तै मर्निङ वाक जाँदा देखिने भिड के होला ? ति जिममा देखिने अनुहारको संख्या तेतिनै होला त ? घरदेखि अफिस सम्मको यात्रामा दिनहुँ भेटिनी अनुहारले अभिवादनमा हातनै अघि बढाउलान त ? अफिस जादा बस कुर्ने ठाउँमा हुने मानिसहरु तेतिनै होलान तरुरु त्यो बसको ढेलमढेल तेस्तै रहला त ? अफिसमा भेटहुने देशका बिभिन्न भेगका सहकर्मी मित्रहरुको भौतिक व्यवहार तेस्तै रहला ? भेटहुदा बित्तिकै गम्लाङ्ग आङ्गालो हाल्ने साथीहरुले तेसरीनै अङ्गालो हाल्लान ? दिउसो खाजा खाने ठाउँको हुलले के पहिले जस्तै एकै साथ खाजा त्यो चमेना गृहमा हुल बाधेर खाला ? मेरो अफिसको अगाडिको सरकारी कार्यलयमा दिनहुँ लाग्ने सेवाग्राहीको भिड त्यसरीनै अव्यवस्थित तरिकामा लाग्लारुरुसाप्ताहिक जसो जाने त्यो सिनेमाहलमा दर्शकको चाप तेस्तै होला ? कलिले काँही मनोरञ्जनका लागी जादा जहिले भरिने त्यो रेस्टुरेन्ट तेस्तै भरी होला ? कुनै नयाँ मान्छेसंग परिचय गर्दा मेरो दायाँ हात अघि बढेर अर्को दायाँ भेटाउला कि दायाँ हातले आफ्नै बायाँ हात भेटाउलारुरु एउटै पिलेटमा चाउमिन खानी मित्रले फेरि तेसरी नै खाला कि नखाला रुरु यस्तै धेरै प्रश्नका भावहरु मनै मन उत्पन्न भएका छन । सायद यस्तै थुप्रै भावहरु धैरैका मनमा उब्जिएका छन होला, जस्को विज्ञहरुले अनुमान र बिश्लेषण त गरेका छन तर उत्तरका लागी समयको प्रतीक्षा भन्दा अरु कुनै विकल्प छैन। तेसैले कोरोना विरुद्ध सिङ्गो मानव सभ्यताको यो लडाइमा मानव सभ्यताको बिजयका लागी सबै घर बाहिरका कामलाइ थाती राखी घरमै बसि लकडाउनको पालना गर्दै लडाइ लड्दै ति उब्जिएका प्रश्नका उत्तरका लागी मानव सभ्यताको बिजयको क्षण र समयको उत्तरको प्रतीक्षा गरिरहेको छु ।
सचेत सहौ ,
माक्सको प्रयोग गरो,
घरमै बसौ ,
अति आवश्यक काम भन्दा बाहेक बहिए नजाउ,
कोरोना विरुद्धको युद्धमा बिजयका लागि लकडाउनको पुर्ण पालना गरौ ।