डीबी विष्ट, बझाङ । घरमा एक छाक खान पनि धौ धौ भएपछि ९ महिना अघि बझाङको थलारा गाँउपालिका वडा नम्बर २ का जनक नेपाली आफ्नो श्रीमती सहति लिएर रोजगारीको खोजीमा भारत पुगे । उनले भारतमा करिब ९ महिना बसेर विभिन्न शहरमा रोजगारी गरि जीविका चलाए । ९ महिनाको समयमा उनले घरका लागी केही आर्थिक समेत जम्मा गर्न भ्याए । अलिकती रकम जम्मा गरेपछि नयाँ बर्ष आफन्त परिवारहरु संग मनाउने भन्दै जनक नेपाली र उनको परिवार चैत्र १० गते भारत बाट आफ्नो गाँउका लागी फर्कीए ।
तर कोरोना भाईरस कोभिड १९ को. रोकथामका लागी नेपाल सरकारले गरेको बन्दाबन्दी वा लकडाउनका कारण उनि नेपाल पुग्न पाएन् । भारतकै रामपुर भन्ने ठाँउमा क्वारेन्टाईनमा बस्नु पर्ने बाध्यता उनिहरुको भयो । आज भारतको रामपुरको क्वारेन्टाईनमा बसेको ५२ दिन भयो । जनकको परिवार संगै आएका बझाङको थलारा गाँउपालिकाका ९३ जना रामपुरको क्वारेन्टाईनमा छन् । रामापुरको क्वारेन्टाईनमा अधिकांस महिला बालबालीका रहेका छन् । क्वारेन्टाईनमा बसेको दश दिन पछि त्यहाँ एक महिला सुत्केरी समेत भएको क्वारेन्टाईनमा बसेकाहरुले जनाएका छन् । उनिहरु समस्यामा हुँदा हुँदै फेरी एक जनक नेपालीकी श्रीमती २० बर्षिया सरिता नेपालीलीको उच्च रक्त श्राबका कारण गर्भपतन भएको छ ।
५३ दिनदेखि भारतको रामपुरको क्वारेन्टाइनमा बसिरहेकी उनको अचानक उच्च रक्त श्राब भइ गत मंगलबार राति १२ बजे गर्भपतन भएकोे उनका श्रीमान जनक नेपालीले बताउनु भयो । गर्भवती अवस्थामा पोषीलो युक्त खाना र स्वच्छ पानी नहुनु र बढी तनावका कारण रक्तश्राब भएको उनीहरुको भनाई छ । सरीताको अवस्था अहिले गम्भिर छ । सरिताको यो पहिलो गर्भ रहेको उनका श्रीमान जनक नेपालीले जानकारी दिए ।
पटक पटक जनप्रतिनीधी तथा आफुले चिनेजानेकाहरु संग उद्धार गरि दिन आग्रह गर्दा गर्दै कसैले चाँसो नदीएका कारण आफ्नो पहिलो सन्तान खेर गएको उनले बताए । यहाँ खानेपानी राम्रो छैन । बाथरुमको पानी पिउनु पर्ने बाध्यता छ । खान पनि राम्रो पाईदैन् । कहिले सडेको कहीले काँचो पाको खाना खानु पर्ने बाध्यता आफुहरुको रहेको जसका कारण बच्चा खेर गएको दुख नेपालीले जानकारी दिए । अहिले रक्त श्राव भै रहेको बताउँदै आफ्नो श्रीमतीको ज्यान समेत जोखीममा रहेको उनले बताए । अझै आफुहरु संग अन्य २ जना गर्भवती रहेको र एक जना सुत्केरी समेत भएको बताउदै उनले २० जना स साना बालबालीकाहरु रहेको जानकारि दिए । अहिले सबै अवस्था दिनानु दिन विग्रदै जान थालेको बताए ।
थलारा गाउँपालिका वडा नम्बर १, २, ३ र ४ का बासिन्दाहरु भारतका विभिन्न शहरबाट आएर ९३ जना उत्तर प्रदेशस्थित रामपुरको एक सार्वजनिक घरमा बनाइएको क्वारेन्टाइनमा बसिरहेका छन् । बाथरुमको दुषित पानी र दिनको एक पटक पुरी मात्रै खाएर बस्नुपरेको उनीहरुको गुनासो छ ।
यता थलारा गाउँपालिकाका अध्यक्ष्य भुवनेश्वर उपाध्यायले भने यस्तो खबर सुन्दा आफूहरु दुःखित भएको र अब उद्धारका लागि प्रक्रिया अन्तिम चरणमा पुगेको बताएका छन् । ३ दिनदेखि धनगढीस्थित मुख्यमन्त्रीदेखि विभिन्न राजनीतिक दलका प्रतिनिधि र प्रशासन कार्यालयमा धाइरहेको अध्यक्ष उपाध्यायको भनाई छ । उनले भने,‘म एकदमै दुखित छु । उहाँहरुकै उद्धारका लागि धनगढी पुगेको हुँ । उद्धारका लागि दुईवटा बस तयारी अवस्थामा राखेका छौं । कैलाली कञ्चनपुरका प्रशासनदेखि मुख्यमन्त्री र विभिन्न नेताहरुसँग लगातार बहस गरिरहेको छौ । काठमाडौंमा पनि माननीय ज्यु मार्फत प्रक्रिया अगाडी बढ्दै छ । संघिय सरकारले अनुमति नदीएका कारण समस्या भएको उहाँले बताउनु भयो । समयमा उद्धार गर्न नसके थप समस्या सृजना हुने उपाध्यायले बताईन् । गाँउपालिकाले पुर्व तयारी गरेर नै उनिहरुको उद्धारका लागी लागी परेको जानकारी दिए । उता रामपुरमा रहेकाहरुले पनि अध्यक्ष अहिले सम्पर्कमा रहेकाले उद्धार हुने आशामा रहेका बताएका छन् ।